6 май көнне 6Б класс укучылары хөрмәтле ветераныбыз Тәлгат Шариповичны Бөек Җиңүнең 71 еллыгы белән тәбрикләделәр.Укучылар Тәлгат Шариповичка зур рәхмәтләрен белдереп,бәйрәм открыткасын һәм шарлар бүләк иттеләр.Ветераныбыз укучыларга һәм сыйныф җитәкчесе Самигуллина Ф.А. рәхмәтләрен белдерде.

Туган илгә Бөек Җиңү килде-

Бәйрәм танатанасы урамда.

Югалтулар ,күз яшьләре аша

Җиңү язы килде дөньяга.

5 май көнне 6Б сыйныфы укучылары Бөек Ватан сугышы ветераны Рәгыйб Усмановичны,ветеран укытучыбыз Фәния Рәхимовнаны Бөек Җиңүнең 71 еллыгы белән котлап кайттылар.Укучылар ветераннарга матур җырлар,шигырьләр бүләк иттеләр.Рәгыйб Усманович укучыларга үзе кичергән авыр сугыш еллары турында сөйләде.Фәния апа сугыш вакытында авылдагы тормышның нинди булганың укучыларга җиткерде.Укучылар ветераннарга үз куллары белән әзерләгән бүләкләрен тапшырдылар.

Түбән Оры башлангыч мәктәбе укучылары 3 май көнне авылдагы чишмә буен чистарттылар,агачлар утырттылар.

В 5 гимназии состоялся конкурс "Безопасное колесо 2016" среди отрядов ЮИД школ Арского района. Наши ученики: Туктагулова Э., Абдрашитова А., Муртазин И.,Хусаенов Ф. приняли участие в конкурсе. Туктагулова Э. заняла 2 место  на этапе "Фигурное вождения велосипеда".Огромное спасибо ученикам и желаем успехов.

25 апрельдән 30 апрельгә кадәр мәктәбебездә тарих,татар теле һәм әдәбияте,җәмгыять белеме атналыгы үтә.Шул уңайдан 27 апрель көнне 5 Б классында тарихтан ачык дәрес карадык.Укытучы Фазуллина Л.Р. "Спартак күтәрелеше" темасына ФГОС таләпләренә туры китереп дәрес үткәрде.Укучыларның фән белән кызыксынганнары ачык күренде.Дәрес бик җанлы үтте.

28 апрель көнне Арча стадионда укытучылар арасында җиңел атлека буенча ярышлар үтте.Укытучыларыбыз сынатмады, уңышлары сөендерерлек: Шарафиева Ч.М. 40 яшькә кадәргеләр арасында 100 метр йөгерүдә 1 урын, Хайруллин Р. 40 яшькә кадәргеләр арасында 100 метр йөгерүдә 3 урын, эстафетада ( Сабирова Г., Хайруллин З.Т., Шарафиева Ч.М., Хайруллин Р.) 1 урынны яуладылар. Укытучыларыбызга алдагы ярышлардада уңышлар теләп калабыз!

27 апрель көнне 5 Б класс укучылары ( кл. җитәкчесе Фазуллина Л.Р.) тыл ветераны Гатауллина Рауза апа белән очрашу үткәрде.Сугыш чоры баласы буларак,башыннан үткәннәрне,тормыш юлын Рауза апа 5 класс укучыларына мавыктыргыч итеп сөйләде,чөнки ул үзе дә гомер буе  немец теле укытучысы булып эшләгән.Тумышы белән Чепья авылыннан булган апа бик озак еллар Украинада(чөнки ире хәрби кеше) яшәгәннән соң,1994 елда Яңа Кенәрдәге әтисенең нигезненә күчеп кайта һәм бүгенге көндә шунда тормыш иптәше белән гомер итә.

    26 нчы апрельдә “Яңа Кенәр урта мәктәбе” филиалы “Түбән Оры башлангыч мәктәбе”ндә Габдулла  Тукайның 130 елыгына багышланган кичә узды. Мәктәптә укучылар  Тукай туган көнгә алдан әзерләнделәр. Шигырьләр ятладылар җырлар өйрәнделәр, рәсемнәр ясадылар.   Кичә барышында укучылар күренекле артистларыбыз башкаруында Тукай  әсәрләрен, җырларын тыңладылар. Татар мультфильмнары карадылар. Викторина сорауларына  җавап бирделәр. Истәлеккә  Габдулла Тукай шигырьләреннән төзелгән китапчыклар бүләк ителде. Бәйрәм “Туган тел” җыры белән тәмәмланды. 

Бүген 26 апрель- бөек шагыйребез Г.Тукай туган көн.Барлык татар дөньясы бүген бәйрәм итә. Яңа Кенәр урта мәктәбендә дә шагыйрь туган көнне зурлап билгеләп үттеләр.Китапханәче Садикова Р.Р. башлангыч сыйныф укучылары белән берлектә Г.Тукайга багышланган бәйрәм үткәрде.Балалар Г.Тукайың шигырьләрен сөйләделәр, сәхнәләштерделр ,җырларын җырладылар.Г.Тукай әкиятләренә нигезләнеп эшләнгән "Су анасы","Эш беткәч уйнарга ярый" мультфильмнарын карадылар.Бәйрәм "Туган тел" җыры белән тәмамланды.