26 нчы апрель  - бөек шагыйребез Г.Тукайның тууына 132 ел булды  .Шушы унайдан мәктәбебездә " Туган тел һәм  шигьрият " бәйрәме   үткәрелде. "Йөрәкләрдә яшисең Тукай" дип исемләнгән чарада шагыйрьнен тормышы һәм иҗаты чагылыш тапты. Укучыларыбыз   шигырьләрен яттан сәнгатьле итеп сөйләделәр, аның сүзләренә язылган  җырларны башкардылар. 6-7 класс укучылары бөек шагыйребез тормыш юлына  һәм  иҗатына багышланган " Тамчы шоу"  интелектуаль уенында катнаштылар. 

Җиребезгә ямьле язлар килде,

Тамчыларда кышның күз яше.

Сагындырып килеп Тукай язы,

Бар халыкны үзенә ул дәште.

Күңелләрнең нечкә кылын тарта,

Һәр татарның бүген моңлы сазы.

Гасырлардан сихри аваз салып,

Апрель белән килде Тукай язы.

Халкым елда сагынып көтеп ала,

Бөек улын биргән һәр язны.

  Укучыларны  Г. Тукай тормыш юлы, иҗаты белән таныштыру  максатында, информацион стенд  эшләнелде.Укучылар бөек шәхесебез турында булган белемнәрен бик теләп ныгыттылар, баеттылар. 

Иң беренче эш итеп яңа администрация сайланды. Укучылар үзләрен укытучы ролендә сыныйлар, дәресләр үткәрәләр. 

Укучылар, укытучылар белән кулга - кул тотынышып эшләгәндә генә уңышка ирешеп булганын аңладылар. Бу көн бик нәтиҗәле , файдалы булды.

       16 апрель көнне Ашытбаш мәктәбендә узган " Тукай төрле телләрдә яңгырый" конкурсында Гарипова Р. (укытучысы Хамидуллина Г.Р.) - II урын, Мөхәмтгалиева А. (укытучылары Нуриева Т.Г., Хәйретдинова Р.Т.) - III урын алдылар.

  3 класс укучылары ,14 апрель көнне Арча шәһәрендә узган " Куркынычсыз тәгәрмәч" конкурсында катнаштылар. Дүрт юнәлеш буенча көч сынашып, безнең команда II урынга лаек булды. Котлыйбыз! Алга таба да уңышлар сезгә!

2 нче сыйныф укучылары  Әхмәтҗанова Камилә,Хәмидуллина Айгизә Яңа Кенәр мәктәбендә үткән “Шушы яктан,шушы туфрактан без” дигән фәнни-гамәли конференциядә чыгыш ясап, II урын алып кайттылар. Камилә һәм Айгизәне, аларның җитәкчеләре Гөзәерова Л.Г. ны зур җиңүләре белән котлыйбыз.