19 -22 нчеапрель көннәрендә Казанда татар теле һәм әдәбияты буенча IV халыкара олимпиада уздырылды.Бәйгенең төп максаты – татар телен саклау һәм үстерү, аны дөньякүләм дәрәҗәгә күтәрү, туган телгә, әдәбиятка, сәнгатькә карата кызыксыну уяту, ихтирам хисләре тәрбияләү. Быел олимпиада татар халкының бөек шагыйре Габдулла Тукайның тууына 130 ел һәм каһарман-шагыйрь Муса Җәлилнең тууына 110 ел тулуга багышланды. Халыкара олимпиаданың финалы 2 этаптан тора: татар теле һәм әдәбияты буенча олимпиада биремнәрен үтәү, шулай ук Г.Тукай һәм М.Җәлилгә багышланган презентацияләрне тәкъдим итүгә корылган иҗади өлешләрдән. Анда Россиянең 24 төбәгеннән, шулай ук Япония, Төркия, Бельгия, Финляндия, Франция, Беларусь, Казакъстан, Үзбәкстан, Әзербайҗан, Төркмәнстан, Кыргызстаннан һәм Австралиядән 14 яшьтән 25 яшькәчә 500 укучы һәм студент катнашты.

ГабдуллаТукайның 130 еллыгы уңаеннан Татарстан Республикасы Мәгариф һәм фән министрлыгы, Г.Тукай әдәби музее тарафыннан V Республика күләм Тукай укулары үткәрелде. Бу укуларда гимназия укучылары да уңышлы чыгыш ясадылар.  “Г.Тукайның дуслары-фикердәшләре” номинациясендә 10 нчы А класс укучысы Ризванова Камилә III урынга, “Г.Тукай – күпкырлы шәхес”номинациясендә Нургалиев Айнур, уңышлы чыгыш ясап, дипломга лаек булды. Укучыларга уңышлар телибез! Укучыларны татар теле һәм әдәбияты укытучысы Гыйлаҗиева Л.Ф. әзерләде.

Гимназия хезмәткәрләре Арча шәһәренең Казансу елгасы яры буенда үткәрелгән өмәдә катнаштылар, агачлар утырттылар.

Агачларны саклап үстерик!

5 нче гимназия коллективы гимназия территориясен, беркетелгән участокларны төзекләндерү, чистарту эшләрен дәвам итә. Урамнарны, тирә - ягыбызны чиста, тәртиптә тоту һәркайсыбызның бурычы!

Бүген гимназиядә Россия Федерациясе Дәүләт Думасы депутаты Гыйльметдинов Ильдар Ирекович белән очрашу булып узды. Җыелышта катнашучылар депутатка үзләренең сорауларын бирделәр, теләкләрен җиткерделәр.

Җыелыштан соң депутат шәхси сораулары булган сайлаучыларны кабул итте.

8а классы укучылары өмәдә  катнаштылар. "Үлгәннәрнең каберен, исәннәрнең кадерен бел!" дигән девиз астында батырлар һәйкәлләрен чистарттылар. Һәркемдә зур горурлык, патриотик хис туды, өлкәннәргә карата хөрмәт уянды.

Арча шәһәренең үзәкләштерелгән китапханәсендә укучылар өчен "Без илнең киләчәген сайлыйбыз!" темасына төрле командалар арасында уен-конкурс оештырылды. Бу конкурста гимназиянең 10 нчы класс укучылары катнашты. Төрле сорауларга җаваплар эзләделәр, сайлау юнәлешләрен билгеләделәр.

Күренекле татар халык шагыйре Г.Тукайның 130 еллыгына багышланган "Тукай төрле телләрдә яңгырый" районара конкурсында актив катнашканы өчен 8 нче сыйныф укучысы Мөхәммәтҗанова Илюзәгә, 9 нчы сыйныф укучысы Миннебаева Гөлназга шәһадәтнамә бирелде. Укытучысы Сабирова А.Г.

За вклад в популяризацию газеты "Арча хәбәрләре" ("Арский вестник") учитель английского языка Кабирова Л.И., ученицы 9А класса Сабирова А., Хисамиева А. были отмечены Благодарственными письмами филиала акционерного общества "Татмедиа"  - "Редакции газеты "Арча хәбәрләре" ("Арский вестник"). Поздравляем!!!

Гимназиябездә 9 нчы класс укучылары белән "Һөнәрләр төрле- теләгәнең сайлап ал" темасына чара оештырылды. Әлеге чарада "Арча агросәнгать һөнәр колледжы"ның 1 номерлы филиалыннан эшкә өйрәтү мастеры Мөхәммәтҗанова Н.Н. һәм 1 нче курс студенты Тимур Моисеенко катнашты. Укучыларны колледж белән таныштырдылар, кабул итү шартлары һәм анда укыту-тәрбия чараларын әйттеләр, сорауларга җаваплар бирделәр.