Без балалар белән Яңа ел могҗизасында сәяхәттә булдык. Безнең сәяхәт бөтен катнашучыларга һәм кунакларга уңай хис-кичерешләр һәм онытылмас тәэсирләр бүләк итте! Кызык уеннар, биюләр үткәрдек.  Сәяхәткэ максус кунакларыбыз килде: Кар бабай, Пингвин, Кар патшабикәсе, Кар кызы белән Кыш бабай.
Һәр катнашучы үзен зур һәм дус коллективның бер өлеше итеп хис итте, һәм без бу истәлекләр алар белән ел буена калыр дип ышанабыз

Яңа ел барыбызга
Китерсен бәхет, шатлык.
Сәламәтлек юлдаш булсын!
Кирәкми башка затлык.

Тынычлык булсын илдә,
Елмайсын йөзләр гел дә!
Күк йөзендә кояш безгә,
Нурларын сипсен гел дә!

              2 мәктәпкә әзерлек төркемендә Яңа ел бәйрәме узып китте. Бу бәйрәмне балалар бик куптән көтте Күңелле уеннар, дәртле биюләр һәм, әлбәттә инде, яңа ел җырлары чын могҗизаның кабатланмас рухын тудырды. Балалар бик күп уңай хисләр алдылар, бәйрәм кәефе белән тулдылар һәм Кыш бабайның үзеннән татлы бүләкләр алдылар.

Әй Кыш бабай, Кыш бабай,

Хуш киләсең, уз бире!

Кунак булып килер дип,

Күптән көттек без сине.

     Ниһаять, бөтен җиһанны аклыкка, сафлыкка төреп, җем - җем килеп торган карлары белән, шатлык - куанычлар төяп, җиребезгә Яңа ел аяк басты. Бу шатлыклы бәйрәм уңаеннан зурлар төркемендә Яңа ел иртәсе узды. Бәйрәмгә кунак булып, Кыш бабай һәм әкият геройлары - Кар бабай, төлке, бүре, чәүкә килде. Балалар Кыш бабайга кыш турында шигырьләр сөйләделәр, матур җырлар җырладылар, күңелле уеннарда катнаштылар. Соңыннан Кыш бабай балаларга алып килгән күчтәнәчләрен тапшырды. Бәйрәм балаларның күңелләрендә тирән хәтирәләр, шатлыклы кичерешләр калдырып, бик күңелле үтте.

              Мәктәпкә әзерлек төркемендә дә матур һәм күңелле Яңа ел бәйрәме узды. Балалар бәйрәм рухына чумдылар, яраткан геройлары белән очраштылар һәм мавыктыргыч маҗараларда катнаштылар. Күңелле уеннар, биюләр һәм җырлар кабатланмас бәйрәм рухы тудырды. Балалар бик күп уңай эмоцияләр алдылар, яңа ел кәефе белән тулыландылар һәм, әлбәттә, Кыш Бабайдан татлы бүләкләр алдылар. Яңа ел балаларыбызга шатлык, бәхет һәм теләкләрен тормышка ашырсын!

Бар Җиһан акка төрелгән

Җем - җем килеп кар көлә!

Сафлык бөркеп, ак нур сибеп,

Җиргә яңа ел килә!

            Бүген кечкенәләр төркемендә Яңа ел бәйрәме булып үтте. Бәйрәмгә кунаклар аю, куян, төлке дә килгәннәр иде, алар кар кызының югалган бияләен табырга булыштылар. Кыш бабаебыз да килде бүләкләрен тапшырды. Бәйрәм күңелле үтте.

                Туган көн гаҗәеп бәйрәм. Ә балалар өчен бу бәйрәм күптән көтелгән һәм матур чара. Балалар бакчасында туган көнен бәйрәм итү традициягә әверелә — ай саен диярлек мәктәпкә әзерлек төркемендә күңелле "Ак күмәч" җыры яңгырый. Бүген тагын шундый шатлыклы көн. Софиянең туган көнен бәйрәм иттеләр. Балалар Софиягә сәламәтлек, шатлык, яхшы кәеф, бәхет һәм тугъры дуслар теләделәр. София барлык балаларга да тәмле, татлы ризыклар таратып чыкты. Бу бәйрәм, туган көн балалар өчен шатлык һәм күңел ачу чыганагы булып хезмәт итә, аларның йөрәкләрен бәхет һәм елмаю белән тутыра.

Төрле-төрле утлар яна,

Без уйныйбыз әйләнеп

Бигрәк матур, бигрәк ямьле

Безнең чыршы бәйрәме.

                 Буген икенче кече яшьтәгеләр төркемендә «Чыршы бәйрәме» булды. Балалар җырладылар, шигырь сөйләделәр, рәхәтләнеп уйнадылар. Бәйрәмгә Кар кызы белән куян да килгән иде. Кар кызы балаларга Кыш бабалары биреп җибәргән кучтәнәчләрне таратты. Балалар бик сөенделәр, бәйрәм күңелле утте!

Яңа ел,яңа ел,
Бүген шундый яңа ул!
Яшел чыршы очында
Йолдыз булып яна ул!
                Бүген уртанчылар төркемендә "Алтын балык" дип исемләнгән Яңа ел бәйрәме узды. Балалар  рәхәтләнеп җырладылар, биеделәр, шигырьләр сөйләделәр,
Кыш бабай белән уеннар уйнадылар,алтын балыкка ярдәм иттеләр.Бәйрәм азагында Кыш бабай балаларга Яңа ел күчтәнәчләре өләште.

              Безнең балалар бакчасында балалар сюжетлы - рольле уеннар уйнарга бик яраталар. Әлеге уеннарны уйнар өчен бакчабызда бөтен кирәкле уен атрибутлары да бар. Балалар бигрәк тә яратып "Шифаханә" сюжетлы-рольле уенын уйныйлар. Алар уенчык җәнлекләрне, курчакларны "дәвалыйлар". Уенчык медицина жайланмалары ярдәмендә "авыруларны" тыңлап карыйлар, температурасын үлчиләр, укол ясыйлар. Шушы уен аша балалар табибка барырга курыкмаска кирәклеген аңлыйлар.