Мәктәбебезнең тимурчы оторядларының максаты – кешеләргә шатлык китерү, аны чын күңелдән башкару,әйләнә –тирә тормышны тагында матурырак итәргә омтылу. Шушы максатны тормышка ашыру өчен без һәрдаим өлкәннәребезгә ярдәм итеп торабыз.

5-6 класс укучылары Хайруллина Талия апаның йорт әйләнәсен кардан  чистарталар

Әфган сугышы... Бу коточкыч вакыйгаларга нокта куелган 1989 нчы елның 15 нче февраль көненнән соң нәкъ 29 ел вакыт узып киткән. 15 нче февраль – Россиядә интернационалист сугышчыларны искә алу көне итеп үткәрелә.   

14 февраль көнне 5 класста “ Әфганстан йөрәк ярасы” дигән темада  ачык класс сәгате уздырылды.

Укучылар  Әфган сугышы,аның асылы һәм хәрби бурычларын үтәгәндә һәлак булган райондашларыбыз белән таныштылар.

  Әлеге чарада  Әфганстанда хезмәт иткән авылдшыбыз  Сираҗиев Нәкыйп абый  катнашты. Ул  үзенең күргәннәре белән уртаклашудан тыш, укучыларның да күп сорауларына җавап бирде. Төпле киңәшләрен , матур теләкләрен җиткерде.

Мәктәптә  макулатура җыю эше дәвам итә. Барлык укучылар  да  бу эштә бик актив катнаштылар. Барлыгы 803 кг макулатура җыеп  тапшырылды.

Казанның 14 нче гимназиясендә уздырылган Ибраһим Халфин исемендәге фәнни-гамәли конференциядә безнең мәктәп укучылары да катнашып, уңышлы чыгыш ясап кайттылар.

8 февраль көнне Акчишмә башлангыч мәктәбендә Иминлек дәресе уздырылды. Класс җитәкчеләре укучыларга кар ишелү, кар төшү куркынычы булган урыннарда сак булырга, зур кар көртләре булган урыннарда уйнамаска кирәклеген искәрттеләр. Шулай ук кар көртләре астында калган очракта үз-үзеңне тоту кагыйдәләре аңлатылды, махсус журналга кул куйдырылды. 

  7 февраль  көнне  Арча балалар  сәнгать мәктәбендә  “Гаҗәеп әйдаман” бәйгесенең  район туры уздырылды. Әлеге бәйгедә безнең  мәктәптән 10 сыйныф укучысы Сәлимҗанова А. катнашты һәм уңышлы чыгыш ясап   “     Иң заманча, зәвыклы әйдаман   “ номинациясе җиңүчесе булды

Бер күрешү – үзе бер гомер бит,

Очрашуга сәбәп табыла.

Бер-берләрен сагынышкан дуслар

Күрешергә монда агыла.

Бүген, мәктәбебезне төрле елларда тәмамлап, төрле уку йортларында белем алучы үзебезнең элекке укучыларыбыз белән очрашуга җыелдык. Мәктәпне, укытучыларын яраткан, онытмаган укучыларыбыз килде бүген безгә кунакка.Очрашу кичәсе җырлар, уеннар белән үрелеп барды.

5-6 классларда  "Сталинград сугышы" дигән темага сыйныф сәгате үткәрелде

Казан шәһәренең олимпиада үзәгендә 29 -31 нче гыйнвар көннәренә  татар теленнән   республика олимпиадасының йомгаклау этабы узды. Анда  республика мәктәпләренең   4-11 нче сыйныфында белем алучы, олимпиаданың муниципаль турында жиңгән, иң югары балл җыйган  укучылар  катнашты. Мәктәбебезнең 10 нчы сыйныф укучысы Гарифуллина А.  олимпиадада призлы урын яулады.Айгөлне , татар теле һәм әдәбияты укытучысы Әүхәдиева М.Р. ны  чын күңелебездән  котлыйбыз.