"Фәнгә беренче адымнар"  темасы астында мәктәп фәнни-гамәли конференциясе  узды.Укучылар Татарстанда Эшче һөнәрләр елына багышлап төрле кызыклы темаларга проектлар, эзләнү эшләре тәкъдим иттеләр. Конференциягә әзерлек вакытында күп һөнәрләр һәм шул һөнәр ияләре турында эчтәлекле информация тупланган, әти-әниләрнең һөнәрләре өйрәнелгән. Математика дәресләрендә алган белемнәрнең нинди һөнәрләрдә кирәклеген ачыклаганнар. Әдәби әсәрләрдә зшче һөнәр ияләре  образларын өйрәнеп, аларга анализ ясаганнар. Конференция укучыларның проект эшчәнлеге алып бару буенча күнекмәләрен үстерүдә  файдалы чара булды.

22 нче майда Казан шәһәрендә  Бөтенроссия   һәм республика олимпиадасы җиңүчеләрен бүләкләү тантасында мәктәбебезнең татар теленнән җиңү яулаган 11 нче сыйныф укучысы Гарифуллина А. һәм 10 нчы сыйныф укучысы Гибадуллина А.  катнашты.  Укучыларыбызны зур уңышлары белән чын күңелдән котлыйбыз!

4 класс укучыларын Татарстан Варислар берлеге сафына кабул итү тантанасы уздырылды.. Бәйрәмгә  октябрят,пионер,комсомол сафларында тәрбияләнгән, хезмәт юлларын шушы эшчәнлек белән бәйләгән,күп еллар пионервожатый  булып эшләгән  ветеран укытучыларыбыз килде.Укучылар  төрле биремнәр үтәделәр,җырладылар , шигырьләр сөйләделәр . Укытучылар ,өлкән варислар алдында  тантаналы вәгъдә бирделәр,4 класс укучылары өчен бу көн аеруча истә калыр дип ышанабыз, алар мәктәбебезнең яшь варислары булдылар

20 май көнне мәктәптә яңа укучылар  хәрәкәте оешу тантанасы уздырылды. 7 сыйныф укучылары "Россия укучылар хәрәкәте" оешмасына кабул ителделәр.Оешмага кабул ителгән укучылар  тантаналы вәгъдә бирделәр. Укучыларга  мәктәп директоры Кавиева Рәмизә Рәис кызы һәм килгән кунаклар оешманың логотибы төшерелгән  галстуклар бәйләделәр. Бәйрәм "Россия укучылар хәрәкәте" нең  флеш-моб  белән тәмамланды.

1класс укучылары табигатькә экскурсиягә чыкты. Алар терек һәм терек булмаган табигатьтәге үзгәрешләрне ачыкладылар. Күк йөзен күзәттеләр, кошлар тавышын тыңладылар, агач яфракларын, үсемлек һәм чәчәкләрнең матурлыгын сокланып күзәттеләр. Укучыларда табигатькә сакчыл караш тәрбияләнде.

         16 нчы май көнне  Пешәнгер башлангыч мәктәп-балалар бакчасында районара шашка ярышлары булып узды. Бу ярышларда безнең мәктәпнең 4 нче сыйныф укучыларыннан торган команда (җитәкчесе Хәбибуллина Р.Р.)1 нче урынны яулады. Шәхси беренчелектә малайлар арасында  Каюмов И. - 1 урын, Әсәтова И. 3 нче урын, кызлар арасында  Ш.Ралия һәм Ш.Ралинә . - 1нче урынны  алдылар. Тренерлар арасында Хәбибуллина Р.Р. 2 нче урынга лаек дип табылды.

Бүген Арча стадионында мәгариф буенча башлангыч профсоюз оешмасы членнары арасында җиңел атлетика буенча спорт ярышлары уздырылды. Чарада безнең мәктәп укытучылары да актив катнашты. 

Башлангыч профсоюз оешмасы рәисе Г.В.Шәйхетдинова “Бөтендөнья хезмәтне саклау  көне” уңаеннан укучыларга  “Хезмәтне саклау – гомерне саклау” дигән тема астында класс сәгате уздырды. Класс сәгатенең төп максаты булып хезмәт хәвефсезлеге мәсьәләсенә яшьләрнең игътибарын юнәлтү; эштә, уку урынында бәхетсезлек очракларын булдырмый калу. Хезмәтне саклауга соңгы вакытта аеруча зур игътибар бирелә, чөнки эш урыннарында бәхетсезлек очраклары һәрдаим булып тора, ел саен күпме кеше гомерләре өзелә. Үзенең чыгышында  профком рәисе Халыкара хезмәт оешмасы тарафыннан бу көннең 2003 елдан бәхетсезлек очраклары һәм һөнәри авыруларны булдырмау мәсьәләләренә игътибарны җәлеп итү максатыннан билгеләп үтелүен әйтте.