Без үзебезнең гореф-гадәтләребезне онытмаска, аларны киләчәк буыннарга да чәчми-түкми җиткерергә бурычлыбыз. Шул нисбәттән үзебезнең “Солнышко” балалар бакчасында матур итеп бәйрәм чарасын уздырдык. Максатыбыз – сабыйларны бу матур бәйрәмнең йолалары белән якыннанрак таныштыру иде.
10нче июнь көнне иртәдән бакчабызда бәйрәм рухы чагылды. Матур итеп татарча милли моңлы көйләр тавышы ишетелеп торды. Бәйрәмне балалар белән урамда матур итеп уздырдык. Аларга Сабантуй бәйрәменең тарихы, татар халкының милли уеннары турында сөйләнелде. Әле сөйләнеп кенә калмыйча, бик күңелле уеннар оештырылды. Балалар берсеннән-берсе узыша-узыша капчык киеп тә сикерделәр,кашыкка йомырка салып йөгерүләр, уңган малай-кызларыбыз йөгрә-йөгерә су ташыдылар,ат чабышы да,чүлмәк тә ваттылар, бердәмлектә көч икәнен аңлау өчен канат та тартып карадылар.
Сабантуй бәйрәме балаларга бик ошады, күңелләренә шулкадәр хуш килде. Йөзләреннән елмаю, күзләрендә кызыксынучанлык утлары иде. Бәйрәм тәмамлангач, истәлеккә фотога да төштек.
Сабыйларыбызны Сабантуй бәйрәме, татарның гореф-гадәте белән таныштыруны балалар бакчасыннан башларга кирәк. Күңелләренә миллилик, туган телнең орлыкларын салу кечкенәдән башлана. Бу матур бәйрәмне киләчәктә дә бакчабызда уздырырга гадәткә кертербез, һичшиксез!