«Тел – безнең гомер юлдашыбыз»  баш астында 6 сыйныфлар тарафыннан чара үткәрелде. Уен-КВН бик күңелле үтте. Әйе, кешенең бөтен тормышы тел белән бәйле.Моңа укучылар тагын бер кат инандылар. 

Мәктәптә капиталь төзекләндерү дәвам итә. Хәзерге вакытта эшләр түбәдә бара. Түбәне кардан чистартуда укучыларның әти-әниләре дә ярдәм итә.

20 нче февраль көнне районда үткәрелгән гади судомодельләр конкурсында катнашып VI класс укучылары үзләре ясаган катамараннар белән катнашып Ш.Данияр һәм Х.Гадел II урынга лаек булдылар һәм грамота белән бүләкләнде. Аларга киләчәктә зур уңышлар телибез!

19-20нче февраль көннәрендә КНИТУ-КАИ физикадан он-лайн тестирование үткәрә. Бу тестированиедә IX класс укучысы Галимов Илдар да катнашты.

 20нче февраль көнне сәгать 18:00 Мәдәният йортында мәктәпнең ата-аналар җыелышы үткәрелә. Җыелыштан соң укучыларның концерт номерлары булачак. Рәхим итегез!

23нче февраль көнне, Ватанны саклаучылар һәм Олимпия уеннары еллыгы уңаеннан, сәламәт яшәү рәвеше алып баручы яшьләр, ветераннар, кайткан кунаклар арасында Сабантуй мәйданында чаңгы ярышы үткәрелә. Башлана – 10:00. Кайнар чәйле табын, кызыксындыру бүләкләре сезне көтеп кала! Рәхим итегез!

Бүгенге көндә мәктәптә "Йолдызлык-2015" конкурсына әзерлек бара. Укучылар, дәресләрдән соң килеп,  Илина, Ландыш, Роза апалары җитәкчелегендә җырлау һәм бию күнекмәләрен ныгыталар.

Бүген һәр класста янгынга каршы класс сәгатьләре үтте. Анда класс җитәкчеләре янгынга каршы профилактик чаралар турында сөйләделәр, презентацияләр күрсәттеләр.

18 февраль көнне VII  класс укучысы Газетдинова Рәмилә укытучысы Нарис Габдуллин җитәкчеләгендә физкультурадан республика олимпиадасына катнашырга киттеләр. Уңышлар телибез аларга!

“ Бөек Җиңүнең 70 еллыгын каршылап” Актаныш районы авыл мәдәният йортлары драма коллективлары һәм халык театрлары  смотрында уңышлы чыгыш ясап мәктәбебез укытучысы Салихов Илнар Шәйхенурович  диплом белән бүләкләнде. Аңа киләчәктә дә иҗади уңышлар телибез.