5.03-7.03.2015 көнне Мамадыш районында уздырылган  баскетбол буенча зона ярышында безнең кызлар командасы III урын алып кайттылар. Аларга алга табада уңышлар телибез.

10 нчы март көнне Актанышта уздырылган вокаль соло һәм конферанс номинацияләре буенча  «Йолдызлык»ның сайлап алу турында Марданова Элина , Шарифзянова Айзирә һәм Газизянов Азатлар  катнашты.

7 нче март көнне 2-3 класс укучылары 8 Март бәйрәмен билгеләп уздылар. Бәйрәм балаларның котлаулары белән башланып китте. Кичәдә әниләр ике командага бүленеп ярышларда катнаштылар,әниләргә багышланган җырлар җырланды.

Бәйрәмнәргә ветеран укытучыларны чакыру – мәктәбебезнең күркәм традицияләренең берсе. Менә бүген дә, хатын-кызлар бәйрәме уңаеннан, хөрмәтле өлкәннәребезне кунакка чакырдык. Бәйрәм бик күңелле үтте. Укытучыларыбыз үзләре әзерләгән концертны күрсәттеләр, ир-егетләребез тарафыннан матур теләкләр теләнде.

16  нчы февраль көнне район башлангыч класс укучылары арасында уздырылган “Иң яхшы эзләнүле проект эше” конкурсында 3 нче класс укучысы Элина Марданова II урынны алды. Киләчәктә дә аңа уңышлар телибез!

Кадерле хатын-кызлар! Сезне ихлас күңелдән язның иң гүзәл бәйрәме –    Халыкара хатын-кызлар көне белән тәбрик итәбез. Хатын-кыз табигатьнең бар назын, яктысын, җылысын йөрәгенә туплаган, ул мәхәббәт, яшәү чыганагы булып тора. Сез бөек җиңүләргә рухландыручы да, гаилә учагын саклаучы да, тормышыбызны гөлгә-ямьгә төрүче дә. Нәфис җилкәләрегездә җәмгыятебезнең сәяси һәм сәнәгати йөген да тартып барасыз. Әниләребез, әбиләребез, апаларыбыз, сеңелләребез буларак, без сезне яратабыз һәм хөрмәт итәбез. 

“Урман  уттан  курка” районкүләм рәсем конкурсында 5-8 класслар арасында 5 сыйныф укучысы Зиннурова Ләйсән 1 нче урынны, 1-4 класслар арасында 4 сыйныф укучылары Ахметшарипова Алинә һәм Зарипов Рәмзилләр  2 нче урыннарны алдылар.  Укытучылары Нуруллин Рушат Фирдәвис улы. 

6 нчы март көнне 6 класс укучыларына  тычкан бизгәге авыруы турында тәрбия сәгате үткәрелде. Класс җитәкчесе Илнар Шәйхенурович    укучыларга бу авыруның килеп чыгышы, аны таратучылар һәм аннан саклану чаралары турында аңлатты.

Язның беренче бәйрәме – 8 Март уңаеннан мәктәбебездә төрле чаралар уздырыла.  6 март көнне 4 сыйныф укучылары бәйрәмгә әниләрен һәм әбиләрен чакырдылар. Җыр-бию белән үрелеп барган бу бәйрәм мул өстәл табыны артында чәй эчү белән тәмамланды. Бәйрәм бик дәртле, күңелле узды. Укучылар иң кадерле кешеләренә узләренең кулдан ясалган буләкләрен тапшырдылар.

Бүген мәктәбебезнең гүзәл һәм уңган кызлары катнашуында “Ягез әле, кызлар!” бәйгесе үткәрелде. Бәйгедә 5-8 сыйныф кызлары, ике командага бүленеп, уңганлыкларын, зирәклекләрен, тапкырлыкларын күрсәттеләр. Нәтиҗәдә “Әни” командасы 55 балл җыеп беренче урынга лаек булды.