22 апрель көнне 5 нче сыйныф укучылары Әхсән абыйлары җитәкчелегендә Таҗи Гыйззәт урамында яшәүче Имамова Флүзә апаның йорт тирәсен чүп-чардан арындырдылар.

“Язгы изгелек” атналыгы кысаларында узган 23 апрель” Изге сүз” көнендә  халык өчен зур сынау еллары булган Бөек Ватан сугышы чоры турында укучылар әби-бабалары белән хатирәләр яңартты, иншалар язды.

Башлангыч сыйныф укучылары белән “Тел иленә сәяхәт”  уен-кичә үткәрелде. 10 нчы сыйныф укучылары Г.Тукайның тормыш юлы һәм иҗаты буенча сораулар, кроссворд җаваплары чиштерделәр. Кичәне үткәргән укучыларга зур рәхмәт.

Өлкәннәргә булышу изге эшләрнең берсе булып тора. 6 класс укучылары бу эштә дә сынатмыйлар. 21 нче апрель көнне, класс җитәкчесе Илнар абыйлары җитәкчелегендә  Муса Җәлил урамында яшәүче Әнүзә апага шефлыкка бардылар. Капка төбе,ишек алды һәм бакча аллары чүп-чардан чистартылды, тәртипләп куелды. 

 “Язгы изгелек” атналыгы кысаларында 5-6 сыйныф укучылары ярдәмендә  эмблемалар ясалды. Иң яхшы дип табылган эшләр районга җибәреләчәк.

Мәгариф идәрәсенең “Башлангыч мәктәпләрдә ФГОС тәләпләренә туры китереп белем дәрәҗәсен тикшерү” приказы нигезендә, 22 апрель көнне 4 классның 15 укучысы рус теленнән мониторинг үттеләр. 

21 нче апрель көнне, 5-6 сыйныф укучылары арасында “Син Тукайны беләсеңме?” дип исемләнгән  уен-ярыш үткәрелде. “Апуш” (5 класс укучылары) һәм “Тукай оныклары” ( 6 класс укучылары) көч сынашты. Нәтиҗәдә 5 нче сыйныф укучылары 26 очко белән җиңү яулады.

Урманнарны янгыннардан саклау максатыннан 21 нче апрель көнне  6 класс укучыларына “ Уттан сак булыйк !”-дип исемләнгән тәрбия сәгате үткәрелде. Класс җитәкчеләре Илнар Шәйхенурович  балаларга янгын куркынычсызлыгы кагыйдәләре, ут белән сак эш итү, урманда учак якмау турында аңлатып чыкты.

20-25 нче апрельгә кадәр мәктәптә татар теле һәм әдәбияты атналыгы дип игълан ителде. Атналык чаралар планы төзелде. “Без -Тукайлы халык” баш астында стена газетасы чыгарылды.