Бүген,  ягъни 24 нче апрель көнне, 5 нче сыйныф укучылары Сәфәр балалар бакчасы нәниләренә Г.Тукайның “Кәҗә белән сарык” әкиятен сәхнәләштерделәр. 

“Безнең күңелләрдә син, Тукай”  баш астында әдәби-музыкаль кичә үткәрелде. Кичә шигырьләр һәм җырлар белән үрелеп барды. “Кәҗә белән сарык” әкияте сәхнәләштерелде.

Бүген “ Язгы изгелек” атналыгының 5 нче көне . Ул  “ Минем кече Ватаным” дип атала. Үзең яшәгән җирлекне, тарихи урыннарын белү һәрберебезнең изге бурычы булып тора. Шул максаттан сыйныф сәгатьләрендә 9-10 ынчы сыйныф укучылары Сәфәр авылы тарихы һәм  җирле атамалары белән таныштырдылар.

Кичә, 23 апрель көнне 10 сыйныф укучылары җәмгыять белеме буенча мониторинг үттеләр.

21 апрель көнне сәләтле балалар өчен гуманитар гимназия-интернат базасында "Хәзерге заманда чит телләр: тел өйрәнүдә инфокоммуникацион технологияләр" исеме астында чит тел укытучыларының регионара фәнни-практик семинары үтте. Семинарда чит тел укытучылары чыгыш ясадылар. Безнең мәктәпнең инглиз теле укытучысы Әхмәтшәрипова А.М. бу семинарда катнашып, сертификат алып кайтты. 

Бу көннәрдә 4 класс укучылары өчен урак өсте кебек. Бүген  алар математика буенча үзләренең белемнәрен тикшерәләр. Аларга сынауларында зур уңышлар телибез.

Татар теле атналыгы дәвам итә. “Шигырьне таны” уенында 8 нче сыйныф укучылары Г.Тукай иҗаты буенча әзерләнгән сорауларга җавап бирделәр. Иң күп баллны Гыйлмуллин Илназ җыйды. “Тукайга ияреп” Җиңүнең 70 еллыгына шигырь язу осталыгын да сынап карадылар.

22 апрель  көне “Йөрәктән йөрәккә” дигән исем белән узды. Бу көнне укучылар  тыл ветераннарын Бөек Җиңүнең 70 еллыгы уңаеннан бәйрәм открыткалары һәм үзләренең матур җырларын бүләк иттеләр. 

22 апрель көнне, 6 сыйныф укучылары арасында “ Тукай эзләре буйлап... “ дип исемләнгән уен-ярыш үткәрелде. Укучылар Тукайның шигырьләрен, әкиятләрен искә төшерделәр, рәсемнәр ясадылар.

 21 нче апрель –“Җир көне” уңаеннан “Ак каен” һәм “Йолдыз” отряды варислары дәресләрдән соң чәчәк үсентеләрен  күчереп утырту белән шөгыльләнделәр.