Каникулда 21-24 март көннәрендә 9 класс укучылары өчен укулар оештырыла. Консультацияләр көн дәвамында үткәрелә.

3 чирек нәтиҗәләренә классларда анализ ясалды. Язгы каникулларны имин үткәрегез!

Район күләмендә геология буенча үткәрелгән рәсем конкурсы нәтиҗәләре билгеле булды: 1 урын- Исламхуҗин Риназ, 2 урын - Бәдрәшитова Фәридә, 3 урын- Лукманов Дильфат. Укытучылары - Гильфанов Ф.Н.

18 март көнне Яңа Әлем төп гомуми белем бирү мәктәбендә тәрбия эшләре буенча директор урынбасарлары һәм әхлак дәресе укытучыларының район киңәшмәсе үткәрелде. Чарада район башкарма комитетының социаль мәсьәләләр буенча урынбасары Шамсунова Ландыш Җәүдәт кызы да катнашты.

Мәктәптә химия-биология атналыгы үтте. Рәсем конкурсы, викторина, кроссворд чишү, уен-ярышлар үткәрелде. Чараларны укытучы Ф.Н.Гильфанов оештырды. Сыерчык оялары мәктәп бакчасына урнаштырылачак.

Фәннәр буенча классларда Татарстан Республикасы фән һәм мәгариф министрлыгы тарафыннан тәкъдим ителгән контроль эшләр үткәрелә.

16 март көнне "Тылсым"  башлангыч мәктәп-бакчасында УТЭ буенча директор урынбасарларының семинары үткәрелде. Киңәшмәдә Фәйзрахманова Р.Н. катнашты.

1-9 классларда "Гаилә бәйрәмнәре" үткәрелә. Күңелле очрашулар, спорт ярышлары, уен-бәйгеләр, чаңгыда шуу планлаштырыла.

Инглиз теле буенча үткәрелгән театр коллективлары арасында бәйге Яңа Әлем мәктәбе базасында үтте. Безнең мәктәп укучылары җиңү яуладылар. Укытучылары- Шайхыразиева И.И., Гильметдинова Г.Р.

"Без яшь, без сәләтле" республика  күләмендә үткәрелгән олимпиадада уңышлы чыгыш ясап, Яңа Әлем мәктәбенең 4 нче сыйныф укучысы Фатихов Арсен призер булды. Укытучысы - Нургалиева Л.З.