13-14 апрель көннәрендә  Яңа Әлем мәктәбе коллективы авыл территориясен чистарту буенча өмәдә катнашты. Укытучылар һәм техник хезмәткәрләр юл буйларын чүпләрдән, агач ботакларыннан  арындырдылар.

Яңа Әлем мәктәбе укучылары дәресләрдән соң каен бөресе җыю белән мәшгульләр. Һәр класска билгеле бер күләмдә дару үләннәре җыеп тапшыру бурыч итеп куелды.

Мәктәп күләмендә театр атналыгы бара. 1-8 класс укучылары драма  әсәрләрен сәхнәләштерергә әзерләнәләр.

6 класс укучылары Фәйзрахманова Р.Н. җитәкчелегендә мәктәп китапханәсендә булып, күргәзмәләр белән таныштылар. Әдәби китаплар алдылар. Китапханәче Фәтхиева Н.Ф. укучыларга Тукай турында сөйләде.

Дәресләрдән соң, кичке якта,  9 класс укучылары фәннәр буенча ОГЭга әзерләнәләр. 25 апрель көнне татар теленнән  ЕРТ узачак.

13 апрель көнне район күләмендә су саклау зоналарына багышланган макетлар конкурсы булды. 7 класс укучысы Исламхуҗин Риназ "Туган ягым табигате" проект эше белән катнашып, сертификатка ия булды.

13 нче апрель көнне мәгариф бүлеге планы нигезендә Космонавтика көненә багышлап, пневматик мылтыктан ату ярышы  уздырылды. Ярышта безнең мәктәп укытучылары да - Гарипов Д.Д., Исламов  М.М., Фатхиева М.О., Якупова Ф.Я актив катнаштылар.

Яңа Әлем мәктәбенең" Огонек" янгын сүндерүчеләр отряды, "Горячие сердца" ярышында катнашып, сертификатка ия булдылар. Җитәкчесе - Хәмидуллина Г.Р.

Тукай айлыгы кысаларында мәктәп китапханәсендә "Г.Тукай һәм без"  китап күргәзмәсе оештырылды.

12  апрель- Космонавтика  көненә  багышлап  үткәрелгән  чаралар:

1.Рәсем  конкурсы:

1  урын –Бадрашитова  Ф. 6  класс

2 урын – Локманов  Дильфат. 6  класс

3  урын- Исламхузин  Риназ.7  класс.

Шулай  ук  4  класс  укучылары  Закиева  Диләрә, Фатихов  Арсен, Сиразова  Динара

Ю.А.Гагаринның  тормыш  эшчәнлеге  турында  сөйләделәр.

7  класс  укучылары  космонавтика  көненә  багышлап  инша  яздылар. "Космонавтика көне"нә багышлап классларда тәрбия сәгатьләре узды.