19 октябрь көнне "Татарча ЯЗ!" дип исемләнгән Республикакүләм акциядә катнашып, җирлегебездән 84 кеше диктант язды.

15 октябрь көнне районыбызның 9 класс укучылары- районыбыздагы Агрегат заводына экскурсия кылдылар. Ахырда технология техникумында эшлекле сөйләшүдә катнаштылар.

14 октябрь көнне мәктәбебездә 5-11 классларның  Көзге бал бәйрәме узды. Көзге композиция, концерт номерлары, көзге мәзәкләрне үз эченә алган бәйрәм һәркем күңелендә дә матур хисләр уяткандыр дип уйлыйк.

Авылыбызның Халык театры исемен горур йөртүче коллективы мәркәзебезнең башкаласы Казанда  В.Распутинның "Рәнҗетелгән язмыш" драмасы белән уңышлы чыгыш ясап кайтты. 

10 октябрь көнне Сәфәр урта мәктәбендә "Дус класс серләре" республика бәйгесенең куст өлеше узды. Мәктәбебезнең 7 класс ата-аналар комитеты һәм укучылары уңышлы чыгыш ясады.

11 октябрь көнне Сәфәр кустында "Дус класс серләре" республика бәйгесенең зона этабы узачак. Мәктәбебезнең 7 класс укучылары һәм ата-аналары бу бәйгегә зур тырышлык белән әзерләнәләр.

6 октябрь көнне районыбызда Көзге Ярминкәләр гөрләп узды. Мәктәбебез Миләш-Балан теремкәендә үз продукциясен тәкъдим итте.

3 октябрь көнне мәктәбебездә Өлкәннәр һәм Укытучылар көне уңаеннан укучылар тарафыннан бәйрәм концерты оештырылды. Чарага хәзерге кондә лаеклы ялда булган укытучылар, техник хезмәткәрләр дә катнашты. Бәйрәм чәй табыны артында дәвам итте.

1 октябрь - Өлкәннәр көне. Шул уңайдан мәктәбебез укучылары Пучы авылында урнашкан Картлар йортына бардылар.  Өлкәннәребезнең күңелләрен күреп, бәйрәм концерты куйдылар. 

21 сентябрь көнне мәктәбебез укучылары  Сәламәтлек көненә - табигатькә сәяхәт кылдылар.  Шунда ук алар җыелма отрядларның җәйге чорда эшләгән эшләренә нәтиҗә ясадылар. Учак ягып, күңелле уеннар уйнап, рәхәтләнеп ял иттеләр.