Бакчабызда балаларга, террорга какршы эшчәнлек кысаларында, аңлатулар  узды. 

Мәктәп күләмендә кошлар көне уңаеннан укучылар сыерчык оялары ясап алып килделәр. Без бу ояларны урман ягына урнаштырабыз. 

Буген 5-11 класс укучылары  Аграр университет белән онлайн -укуда катнаштылар.

Мәктәптә ел саен 2 нче класстан башлап һәр укучы үзенең проект эшен яклый. Жюри тарафыннан иң-иңнәре ачыкланып, уку азагында алар  бүләкләнәләр. Бүген 6 класс укучылары проект эшләрен якладылар.

1 апрель -кошлар көне. Бакчабызда балалар белән кошлар көнен билгеләп үттек. Балалар кош оялары,кош рәсемнәре ясап алып килделәр.

20 март  көнне Казан дәүләт аграр университеты галимнәре, аспирант - студентларыннан торган 8 кешелек делегация мәктәп  укучылары белән  очрашты. 7 класс укучылары үсемлек физиологиясе ,8 класс ландшафтлы дизайн, 9 класс экономика,10-11 класс укучылары өчен агрономиядән  практик дәресләр узды. Укучыларга дәресләр бик  кызыклы булды. Аларны алдагы елларда да көтеп калабыз.

Кичә чаңгы сөюче укучыларыбыз "Бүләк" базасында чаңгыда узышып кышкы спорт сезонын ябуда катнаштылар.

Районда үткәрелгән "Туган якка сакчыл караш" проект бәйгесендә  3 класс укучысы Камалова Нурия үзенең проект эшен  тәгъдим итеп уңышлы чыгыш ясап кайтты. Укытучысы -Шайгарданова Зилә Әхмәтсәхыйп кызы. Киләчәктә дә  аларга яңадан -яңа уңышлар теләп калабыз

21нче март-яз фасылының төн белән көн тигезләшкән көне. Иске календарь буенча Яңа ел бәйрәме. Без аны Нәүрүз бәйрәме дип атыйбыз.Бу бәйрәмне  ел саен уздырабыз. Быелда бик матур итеп үткәреп җибәрдек Нәүрүз бәйрәмен.Укучылар төрле уеннар уйнадылар. Казанда пешкән ботка белән сыйландылар,тәбикмәк белән чәй эчтеләр.

Мәктәптә кышкы сезонны ябу ярышы уздырылды.Барлык укучылар да актив катнаштылар.