21 февраль- Халыкара Туган тел көне буларак билгеләп үтелә. Телләрне саклау һәм үстерү максатыннан уздырыла торган бу бәйрәм елдан-ел үзенең даирәсен киңәйтә бара. Шул уңайдан 16 февраль көнне мәктәбебездә ачык класс сәгате узды һәм тәнәфесләрдә татар халкының җырлы-биюле уеннары уйналды.

16 февраль көнне Актаныш икенче санлы урта мәктәбендә класс җитәкчеләренең "Ел класс җитәкчесе" бәйгесе уздырылды. Безнең мәктәбебездән башлангыч класс укытучысы Шәйхелмәрдәнова Нурания Әбудәр кызы катнашты һәм уңышлы чыгыш ясады.

17 февраль көнне кызлар һәм егетләр арасында районыбызда волейбол ярышы узды. Кызларыбыз да, егетләребез дә 2 урынга ия булдылар. Җитәкчеләре-Марданов Марат абыйны, укучыларны котлыйбыз!

Рус теле фәненнән Республика олипиадасының нәтиҗәләре билгеле булды. Укучыларыбыз - Ибраһимова Инзилә, Имамов Ниязлар -призер булдылар. Укытучылары- Галиева Р.Ә., Мирзаһитова Р.Т. Котлыйбыз!

14 февраль көнне районыбызда "Йолдызлык" бәйгесенең йомгаклау этабы уздырылды. Барлык нәтиҗәләр буенча мәктәбебез 2 урынга ия булды.

Телләр елы уңаеннан мәктәбебез укучылары 13 февраль көнне "Татарча диктант"яздылар. 

Февраль ае- Хәрби -патриотик айлык. Шул уңайдан укучыларыбыз һәйкәлне кардан чистартып, тәртипләп куйдылар. 

Туган тел көне уңаеннан мәктәбебез укучылары шигырь, мәкаль, кроссвордлар, ребуслар кулланып  газеталар чыгардылар.

Туган тел һәм Халыклар бердәмлеге елы уңаеннан мәктәбебездә атна саен чаралар узып тора. Бу атнада 8 класс укучылары катнашында Сибгать Хәкимнең 110 еллыгы билгеләр үтелде. Әдипнең "Юксыну", "Башка бер ни дә кирәкми" шигырьләреннән җырлар тыңланды. Презентация күрсәтелде. Шигырьләре яттан сөйләнде.

Бу көннәрдә районыбызда балалар бакчасы, мәктәп укучыларының "Йолдызлык"бәйгесенең сайлап алу туры узды. Ике көн буена укучыларыбыз район сәхнәсендә чыгыш ясадылар.