15 марттан гимназиядә гөрләп рус теле атналыгы үтте.

Рус теле укытучылары төрле чаралар үткәрделәр: нәфис сүз осталарының “Живая классика”, рәссамчылар өчен “Фразеологизмнар – рәсемнәрдә”, “Лингвистик брейн-ринг”, иң грамоталы укучыны ачыкладылар.

Барлык чараларда да укучылар актив катнашты. Бәйгеләрдә җиңүчеләр бүләкләнде.

Туган телләр һәм халыклар бердәмлеге елы уңаеннан район күләмендә үзәк китапханә уздырган ,,Минем тарихым-минем Татарстаным” әдәби викторинада актив катнашкан өчен гимназиябезнең педагог-китапханәчесе Исламова Эльвира Мәүлетдин кызы һәм кече тәрбияче Шакурова Гөлшат Рифкат кызы рәхмәт хатлары һәм ,,Бердәм Россия”нең Актаныш бүлекчәсенең истәлек бүләкләре белән бүләкләнделәр.

Без һәрвакыт мәктәптә әти-әниләрне күрүебезгә бик шат. 13нче март көнне дә бездә зур бәйрәм булды - 9 сыйныф укучылары әти-әниләре өчен “Гаилә көне” оештырдылар. Бәйрәмдә гимназистлар әти-әниләргә җырлар да, биюләр дә бүләк иттеләр, кызыклы уеннар да уйнадылар. Афәрин, укучылар!

13нче март көнне 8б сыйныф укучылары “Гаилә көнен” үткәрделәр. Бу көнне иң җитез әти-әниләр гимназия спорт залында җыелган иде. Укучылар әти-әниләр белән бергә тизлеккә дә ярыштылар, аркан тартып көч тә сынаштылар.

Узган атнада Нөркә урманында мәктәпкүләм чаңгы ярышы узды. Биредә 5-6, 7-8, 9-10 сыйныф укучылары катанашты.

“Туган тел һәм халыклар бердәмлеге” елы уңаеннан җомга киче чарасында гимназистлар Башваткыч уенын уйнадылар. Биредә 3 команда катнашты, укучыларга төрле сорауларга җавап биреп кросвордны чишеп чыгарга кирәк иде.

12 март көнне гимназиябез тагын да ямьләнде, тагын да гүзәлләнеп китте. Чөнки бу көнне мәктәбебездә зур бәйрәм - Гимназия гүзәле 2021 бәйгесе булды. Әлеге бәйгедә 5-10 нчы сыйныфта укучы кызларыбыз көч сынаштылар.

Бу атна гимназиядә чараларга бик бай атна булды. Бүген 6 сыйныф укучылар әти-әниләре белән бергә “Гаилә көне” бәйрәмен оештырдалар. Әти-әниләр белән очрашулар мәктәбебездә һәрдаим булып тора. 23 февраль һәм 8 март бәйрәмнәрен дә без алар белән бергә билгеләп үтәргә булдык.

10 март көнне 10 сыйныф укучылары әти-әниләрен гимназиягә кунакка чакырдылар. Бу елны гимназистлар 23 февраль һәм 8 март бәйрәмнәрен берләшетереп Гаилә көне итеп билгеләп үтәләр.

7 нче март көнне Актанышыбызда “Созвездие- Йолдызлык 2021” бәйгесенең зона этабы узды. Биредә Актаныш, Минзәлә, Мөслим, Менделеевск, Әгерҗе районыннан килгән биючеләр һәм җырчылар чыгыш ясадылар.