Балаларның сәламәтлеген саклау һәм ныгыту, кечкенәдән сәламәт яшәү рәвеше күнекмәләре формалаштыру бүгенге көндә актуаль һәм җитди бурычларның берсе. Мәктәпкәчә чор балаларның физик һәм психик сәламәтлегенә нигез салына торган мөһим вакыт. Балаларның сәламәтлеген ничек сакларга һәм ныгытырга? Сәламәт яшәү рәвешенең башлангыч күнекмәләрен ничек формалаштырырга?  һәм һәр көз саен әти-әниләр алдында килеп баса торган сорау "Гриппка каршы прививка ясатыргамы?"  Әлеге һәм башка сораулар буенча  3, 4, 5 сентябрь көннәрендә төркемнәрдә ата-аналар җыелышлары үткәрелә. Җыелышларда балалар бакчасының өлкән шәфкать туташы Султанова Г.Ш. да чыгышлар ясый.

    1 сентябрь - Белем көне һәм яңа уку елы башлану белән котлыйбыз! Яңа уку елында һәммәбезгә дә күтәренке рух, ныклы сәламәтлек, яңа иҗади уңышлар, сабырлык, хыялларыгызның тормышка ашуын телибез! Бәйрәм белән!

   Район педагоглары август конференциясенең пленар утырышында балалар бакчасында озак еллар хезмәт куючы хезмәттәшебез - өлкән шәфкать туташы  Султанова Г.Ш.  Актаныш муниципаль районы башлыгының Рәхмәт хаты белән бүләкләнде. Котлыйбыз! 

   25 август көнне балалар бакчасының  җитәкчесе һәм педагоглары район мәдәният йортында  "Педагогларның һөнәри осталыгының үсеше - уңышлы белем бирүнең нигезе" темасына үткәрелгән педагогларының август конференциясенең пленар утырышында катнаштылар. 

   Кечкенә балаларны әйләнә-тирәдәге бар нәрсә дә кызыксындыра, аларда күп төрле сораулар туа: Ни өчен? Нигә? Ничек? Балаларны кызыксындырган сорауларга җаваплар табарга гади тәҗрибәләр, экспериментлар һәм уеннар ярдәм итә. Прогулкада һава, җил турында бик күп кызыклы мәгълүматлар белергә була. Уртанчылар төркеме балалары да җил турында сорауларга җаваплар эзлиләр. 

   7 август көнне балалар бакчасы мөдире һәм өлкән тәрбиячесе Актаныш 6нче балалар бакчасы базасында үткәрелгән район мәктәпкәчә белем бирү оешмалары  җитәкчеләренең август конференциясе секция утырышы эшендә катнаштылар.  

     6 август көнне балалар бакчасы педагоглары Актаныш "Тылсым" башлангыч мәктәп - балалар бакчасы базасында үткәрелгән район мәктәпкәчә белем бирү учреждениеләре педагогларының август конференциясенең секция утырышы кысаларында үткәрелгән "Күпфункцияле модуль" конкурсында  үзләренең эшләре белән катнаштылар. Конкурс нәтиҗәләре буенча тәрбиячеләр Арсланова Г.М. - 1 урынга, Ганиева Э.И. - 2 урынга, Ардуанова Г.Т. - 3 урынга лаек булдылар, тәрбиячелр Габдрахманова Э.Р., Садыкова Р.Р. номинацияләрдә җиңүчеләр булдылар.  Тәрбиячеләребезне котлыйбыз!

   6 август көнне балалар бакчасы педагоглары Актаныш "Тылсым" башлангыч мәктәп - балалар бакчасы базасында үткәрелгән район мәктәпкәчә белем бирү оешмалары педагогларының август конференциясенең секция утырышы эшендә катнаштылар. Бакчабызның музыка җитәкчесе Бадертдинова И.Р.  секция утырышында "Мәктәпкәчә яшьтәге балаларда ритмны тоемлау хисен үстерү" темасына мастер-класс үткәреп, үзенең эш тәҗрибәсе белән уртаклашты.

     Театрны яратмаган кеше бар микән?  Икенче кечкенәләр төркеме балалары курчак театры тамашасын бик яратып карадылар, артистлар белән аралаштылар.

     Бакчабызда капиталь төзекләндерү эшләре дәвам итә.