Әйләнә-тирә табигатьнең матурлыгын күрергә өйрәтү, табигать турында күзаллауларын формалаштыру - балаларга экологик тәрбия бирүдә мөһим бурычлар. Кызганычка каршы, хәзерге заманда табигать белән аралашу мөмкинлеге азая бара, ә табигатьне рәсемнән яки телевизордан гына карау җанлы аралашуны, үзең табигатьнең серләренә төшенүне  алыштыра алмый. Бакчабыз педагоглары да шуны истә тотып, балалар белән елның төрле фасылларында табигатькә экскурсияләр оештыралар. Зурлар, мәктәпкә әзерлек төркемнәре балалары Актанышыбызның паркларына экскурсиядә булып кайттылар. Ә табигатьтә алтын көз, яфраклар бәйрәме...  

  ТАССР төзелүгә 100 ел тулуга багышлап районыбызның балалар бакчалары педагоглары арасында "ТАССР төзелүгә 100 елга карата иң яхшы альбом" конкурсы үткәрелде. Элеге конкурста безнең балалар бакчасы педагоглары да альбомнар төзеп, уңышлы катнаштылар. Музыка җитәкчесе Бадертдинова И.Р. - 2 урынга, тәрбияче Ганиева Э.И., рус теле тәрбиячесе Мансурова Э.Р., укытучы-логопед Набиева Ч.Д. - 3 урынга  лаек булдылар, тәрбияче Габдрахманова Э.Р. -  "Кызыклы альбом" номинациясендә җиңүче булды.

  22 август көнне ТАССРның 100 еллыгы флагы Актанышыбызга килде. Балалар бакчасы хезмәткәрләре әлеге тантанаыл чарада катнаштылар.

  18 август көнне үткәрелгән Актаныш муниципаль районы мәгариф хезмәткәрләренең август кинәшмәсендә хезмәттәшебез тәрбияче Ганиева Э.И.  Актаныш районы башлыгының Рәхмәт хаты белән бүләкләнде. Котлыйбыз һәм хезмәттәшебезгә яңа уңышлар телибез!

   18 август көнне балалар бакчасы хезмәткәрләре район мәдәният йортында үткәрелгән Актаныш муниципаль районы мәгариф хезмәткәрләренең август конференциясенең пленар утырышында катнаштылар.  

  29 май көнне бакчабызда "Хуш, яраткан бакчабыз!" бәйрәме иртәсе үтте. Мәктәпкә әзерлек төркеме балалары бакча белән саубуллаштылар.

                             Шушы ямьле бакчада

                             Үтте сабый чагыбыз.

                             Без бит хәзер зурлар булдык,

                             Без мәктәпкә барабыз.

   Яз көне бөтен табигать җанлана, кышкы йокыдан уяна. Күчмә кошлар туган якларына әйләнеп кайталар. Тәрбиячеләр Арсланова Г.М., Габдрахманова Э.Р. җитәкчелегендә икенче кечкенәләр төркеме балалары кошларны сыерчык оялары белән каршы алалар. Сыерчык ояларын аларга  әтиләре ясарга ярдәм итте. Бүген сыерчык ояларын балалар бакчасы тирәсендәге агачларга урнаштырдылар. Хуш киләсез, кошкайлар!

   12 март көнне балалар бакчасы педагоглары Яр Чаллы шәһәрендә үткәрелгән "Педагоги в России: инноваөии в образовании" Бөтенроссия форумында катнаштылар.

   Балалар бакчасында 8 март - Халыкара хатын-кызлар көненә карата бәйрәм иртәләре үткәрелә. Балалар әниләрен, дәү әниләрен, апаларны, кызларны бәйрәм белән котлыйлар.

   3 март көнне мәктәпкә зурлар, мәктәпкә әзерлек төркеме балалары Масленица бәйрәм иттеләр. Саф һавада уйнадылар, күңел ачтылар.