Бүген педагогик киңәшмә уздырылды. I - VIII класс укучыларын класстан  класска күчерү турында класс җитәкчеләренең чыгышлары тыңланды.

31 нче майда уку елына йомгак ясалды. Күңелле, файдалы, имин яллар теләп, укучыларны каникулга тараттык.

Мәктәптә  Сабантуй уздырылды. Укучылар спорт уеннарында үз көчләрен сынадылар. җиңүчеләргә бүләкләр тапшырылды.

30 нчы май көнне 4 укучыбыз җәмгыять белеменнән имтихан бирәләр. Аларга уңышлар телибез!

28 нче май көнне укучылары рус теленнән имтихан бирәләр. Аларга уңышлар телибез!

Мәктәбебездә "Соңгы кыңгырау" бәйрәме уздырылды. 9 нчы класс укучылары әлеге чарага бик яхшы итеп әзерләнгәннәр иде.  Бәйрәм 4 нче һәм 1 нче класс укучыларының чыгышлары белән аралашып барды. Төрле җырлар һәм теләкләр тантананы тулыландырды. З.Я.Гәрәеваның әти-әниләр исеменнән укучыларны һәм укытучыларны  котлау өчен иҗат иткән шигырен укуы һәркемне мәктәп елларына алып кайтты. Мәктәп командасының призлы урын алуында үз өлешләрен керткән һәм шәхси беренчелеккә ирешкән укучыларга кыйммәтле бүләкләр тапшырылды. Бәйрәмгә үзенчәлекле төс кертүләре өчен, 9 нчы класс җитәкчесе - Ә.Р.Исрафиловага һәм чыгарылыш класс укучыларына рәхмәт белдерәбез.

"Наратлы" ҖЧҖ директоры А.Ф.Мосабиров 9 нчы класс укучылары һәм аларның әти-әниләре белән очрашу уздырды. Ул авыл хуҗалыгы өчен кирәкле һөнәрләр белән таныштырды, шул юнәлештә укырга теләүчеләргә шартлар тудырылачагын искәртте.  

Бүген 1 укучыбыз инглиз теленнән ТДИ бирә. Аның яхшы нәтиҗәгә ирешүен телибез.

23 нче майда Такталачык авыл клубында иҗат фестиваленә нәтиҗә ясалды. Мәктәбебезнең 5 нче класс укучысы Вәлиева Энҗе Инзир кызы "Өметле иҗат" юнәлешендә Җиңүче Дипломына һәм кыйммәтле бүләккә лаек булды. Котлыйбыз! Укытучысы - Ә.Р.Исрафилова.

22 нче майда мәктәбебезнең 4 укучысыннан торган командасы "Балалар иҗат үзәге" бинасы каршында үткәрелгән "Имин көпчәк - 2019" республика конкурсының район этабында катнаштылар. Җитәкчеләре - М.Ф.Гыйльметдинов.