3 нче  ноябрь көнне мәктәптә    укытучыларның педагогик киңәшмәсе булып узды. Беренче чирек нәтиҗәләре буенча йомгак ясалды.  Мәктәп директоры Салихова И.С., укыту-тәрбия эшләре буенча директор урынбасары Нәгыймова ДР. чыгышлары тыңланылды. Эшлекле киңәшмә барышында укыту, тәрбия өлкәсендә бүгенге көндә алда торган бурыч-максатлар билгеләнде.

29 октябрь көнне районкүләм үткәрелгән ГТО фестивалендә безнең мәктәп командасы да катнашты. Бирелгән сынау төрләрен уңышлы үтеп, команда мактаулы  2 урынга лаек булды. 

 I нче чирек йомгакланды. Укучыларга  класс җыелышларында фәннәрдән чиреклек билгеләр аңлатылды.  Каникул чорында куркынычсызлык техникасы кагыйдәләре буенча инструктаж үткәрелеп, имзалар алынды.  Каникул планы белән таныштырылды.

29 октябрь көнне мәктәптә ата-аналар җыелышы узды. Җыелышта районның балигъ булмаганнар белән эшләү  комиссиясеннән вәкил  Багавиева Динара Алмазовна, туклану мәсьәләләре буенча хуҗалык мөдире Шириева М.Р. чыгыш ясады.  Укыту- тәрбия буенча директор урынбасары Нәгыймова Д.Р 1 чирек нәтиҗәләре, чыгарылыш имтиханнарындагы үзгәрешләр хакында мәгълүматны  ата-аналарга җиткерде. Мәктәп директоры Салихова И.С. гомуми мәсьәләр   буенча мәгълүматлар җиткерде. 

IT-чемпион бәйгесендә безнең мәктәп укучылары да катнаша. 

23 октябрь көнне 5-9 классларда "Көзге бал" кичәсе уздырылды. Кичә төрле ярышлар белән үрелеп барды:  коомандалар белән таныштык; көзге матурлыкны чагылдыручы  композицияләр ярышы, ел фасылына реклама ясау һәм концерт номерлары, уеннар белән үрелеп барды. 

20 октябрь көнне мәктәптә Парламент дәресе узды.  Район Советы депутаты, җирлек башлыгы  Насыйрова Эльвира Флюн кызы һәм участок испекторы укучылар белән очрашуда  катнашты. Насыйрова депутатның вазыйфасы турында  аңлатты. Участок испекторы  хаклы тәртип кагыйдәләрен үтәү, законнарга хөрмәт белән карау кирәклеге турында сөйләде.