Прием заявлений на участие в государственной итоговой аттестации 2019 года для выпускников 9 классов завершается 1 марта.

Для участия в ГИА-9 выпускник должен написать в своей школе заявление, в котором указываются выбранные для сдачи учебные предметы и форма итоговой аттестации - основной государственный экзамен (ОГЭ) или государственный выпускной экзамен (ГВЭ).

  23 февраль көнне  Ватанны саклаучылар көне уңаеннан  җитәкчеләрнең спартакиадасы узды. Мәктәп директоры Салихова И.С. чаңгы,  шорт-трек, йөзү, өстәл теннисы, бадминтон ярышлары төрләрендә актив катнашты.

Сез булганга имин булып ата таңнар,

Тыныч-матур тормыш белән үтә айлар.

Бәйрәмегез котлы булсын, ир-егетләр,

Мәңге тыныч, имин торсын җирләр- күкләр.

Бүген Актаныш технология техникумында тәрбия өлкәсендәге профессиональ конкурсларда җиңүчеләрне бүләкләделәр. Безнең мәктәпнең "Ел класс җитәкчесе-2019" конкурсында Фатыйхова Д.Ә. катнашты, диплом белән бүләкләнде. 

22 февраль көнне мәктәптә “Ягез әле әтиләр, егетләр!” бәйгесе  уздырылды. Бәйрәм саф һавада һәм спортзалда үтте. Әтиләр дә, егетләр дә биремнәрне уңышлы үтәделәр, сынатмадылар. Бәйрәм чәй табыны янында дәвам итте.  Катнашучы әтиләргә һәм укытучыбыз Хабибуллин А.Д. га рәхмәтебезне белдерәбез.

22 февраль көнне Бүләк базасында  9 нчы сыйныф укучылары җәмгыять белеме фәненнән имтихан биреп карыйлар. Безнең мәктәптән бу имтиханны бер  укучы биреп карады.

21 февраль көнне география фәненнән "Бүләк" укыту базасында биреп карау имтиханы уздырылды. 9 класстан 4 укучы шунда катнашты.

Хәрби-патриотик тәрбияне камилләштерү, сәламәт яшәү рәвешен пропагандалау һәм хәрби-гамәли спорт төрләрен популярлаштыру максатыннан, оборона-массакүләм эш айлыгы кысаларында 20 февральдә «Бүләк» чаңгы трассасы базасында биатлон буенча район ярышлары үткәрелде. Безнең мәктәп командасы 2 урынга лаек булды. Җиңү яулаган Җәмилов Н., Ялалов И. ка рәхмәт белдерәбез.

Бүген Халыкара туган тел көне уңаеннан мәктәптә "Туган телем- иркә гөлем" темасына кичә үтте.  Укучылар тарафыннан әзерләнгән кичәдә туган телгә багышланган шигырьләр сөйләнде һәм җырлар башкарылды. Бәйрәмне үткәрү тарихы турында чыгыш тыңланды. Күренекле шәхесләрнең туган тел турында әйтәкн фикерләре, шигырьләре сөйләнде.

18-19 февраль көннәрендә "Йолдызлык -2019"  фестиваленең районда сайлап алу  туры узды. Мәктәптән вокал-соло, конферанс, ялгыз рус биюе һәм күмәк татар биюе катнашты.