20 нче февраль көнне республика "Яшь Кулибинчылар" бәйгесенең район этабы үткәрелде. Анда безнең мәктәптән 7 нче класс укучысы И.Харисов "Яшелчә турагыч" проекты белән катнашып уңышлы чыгыш ясады. Шулай ук 7 нче класс укучысы И.Сәфетдинов судомоделирование буенча үз эшен тәкъдим итте. Җитәкчеләре: А.А.Исламов.

20 нче февраль көнне район күләмендә "Татар егете-2015" бәйгесе үткәрелде. Анда безнең мәктәпнең 9 нчы класс укучысы Сафин Илфак катнашып финалга үтте. Аңа бәйгенең алдагы этабында да уңышлы чыгыш ясавын теләп калабыз.

Бөек Җиңүнең 70 еллыгына карата "Җирдә тынычлык өчен" республикакүләм балалар иҗат бәйгесенең район этабында актив катнашканнары өчен 5 нче класс укучысы З.Галләмова һәм 8 нче класс укучысы Р.Хисамова район балалар китапханәсенең Рәхмәт хаты белән бүләкләнделәр.

18 нче февраль көнне район күләмендә Бөек Җиңүнең 70 еллыгына карата биатлон үткәрелде. Анда безнең мәктәпнең IX класс укучылары И.Галләмов һәм И.Сафин катнашып 4 нче урын яуладылар.
 

18 нче февраль көнне мәктәп күләмендә ярминкә үткәрелде. Укучыларга тәм-томнар пешерүдә ярдәм иткән әти-әниләргә мәктәп җитәкчелеге исеменнән рәхмәт белдерәбез. Ярминкәдән кергән акча  мәктәп яны тәҗрибә участогына орлыклар алу өчен тотылачак.

Пожарларны кисәтү максатыннан һәр класста тәрбия сәгатьләре үтте,инструктажлар үткәрелде,куркынычсызлык кагыйдәләре аңлатылды.

Поздравляем ученика 3 класса Камалова Булата и ученицу 5 класса Исламову Алмазию- победителей игры-конкурса "Русский медвежонок - языкознание для всех". Желаем дальнейших успехов!

Бүген, ягъни 16 нчы февраль көнне мәктәп күләмендә Муса Җәлилнең тууына 109 ел уңаеннан "Җыр булып яши күңелдә" дип исемләнгән әдәби-музыкаль кичә үткәрелде. Кичәне татар теле һәм әдәбияты укытучылары З.Н.Әхмәтова һәм Д.Й.Исламова үткәрделәр.

Бүген, ягъни 14 нче февраль көнне "Хәрби-патриотик " айлык кысаларында мәктәп күләмендә "Сәламәтлек көне" игълан ителде. Дәресләрдән соң 1-9 класс укучылары катнашында чаңгы ярышлары үткәрелде.