18 нче гыйнвар көнне кадет интернат- мәктәп базасында "Растим патриотов России" I республика фәнни-эзләнү конференциясе булып узды.Укучылар түбәндәге спорт төрләрендә катнаштылар: арм-реслинг, ату һ.б.

Арм-реслинг -1 урын, фәнни-гамәли чыгыш- 3 урын, команда- 2 урын.Укучыларны җиңүләре белән чын күңелдән котлыйбыз!

17 нче гыйнвар көнне 9 класс укучылары Актаныш технология техникумында "Ачык ишекләр" көнендә катнашып, уку йорты белән танышып кайттылар.

15 нче гыйнардан 20 нче гыйнварга кадәр мәктәп күләмендә география атналыгы дип игълан ителде. Бүген, ягъни 17 нче гыйнвар көнне 7-9 сыйныф укучылары катнашында "Көчсез буын" уены үткәрелде. Уенда 7 нче сыйныф укучысы Гилванов Айдар һәм 9 нчы сыйныф укучысы Фаррахова Гөлсылу җиңүче дип табылды. Атналыкны география укытучысы Р.Д.Гарипова оештырды.

15 нче гыйнвар көнне Сәфәр мәктәбе базасында "Ел укытучысы-2018" конкурсының куст этабы булып узды.Безнең мәктәптән татар теле һәм әдәбияты укытучысы Әхмәтова Зөлфия Назиф кызы ачык дәрес, мастер-класс күрсәтте.Уңышлар телибез!

Бүген, ягъни 11 нче гыйнвар көнне мәктәптә 1 нче яртыеллык нәтиҗәләре буенча гомуми ата-аналар җыелышы булып үтте. Ата-аналар җыелышы башлангыч сыйныф укучылары көче белән әзерләнгән сәхнә әсәре белән башланып китте. "Компьютер технологияләре һәм балалар сәламәтлеге" темасына 9 нчы сыйныф җитәкчесе Ч.И.Әхмәтова чыгышы тыңланды. 1 нче яртыеллык нәтиҗәләре белән укыту эшләре буенча директор урынбасары Л.Ө.Багауова таныштырды. Шулай ук ата-аналардан анкеталар алынды. Әти-әниләргә укучыларның кул эшләреннән әзерләнгән күргәзмә тәкъдим ителде.

7 январь көнне сәләтле балалар өчен хакимият  башлыгының чыршы бәйрәме үтте. Безнең мәктәптән бу бәйрәм тантанасына Исламова Ә., Исламова А., Ахметова Л., Шәйдуллина И., Фаррахова К, Фаррахова Г.бардылар.Укучылар  «Красавица и чудовище» әкият-тамашасын һәм Боз сараенда шоу-чара карадылар. Бәйрәм укучыларга бик ошады.

3 гыйнвар көнне Балалар иҗат үзәге бинасында Кыш бабай призына шахмат ярышлары үтте.Биредә 60ка якын укучы катнашты.Безнең мәктәптән Ихсанова Айгөл мактаулы 3 урынга лаек булды.Айгөлне җиңүе белән котлыйбыз!!!

Бүген, ягъни 25 нче декабрь көнне укытучылар коллективы Аккүз мәдәният йорты янәшәсенә кар сыннары ясадылар.

22 декабрь көнне Актанышта фән олимпиадаларында җиңүчеләрне хөрмәтләү тантанасы булып узды. Әлфия Авзалова исемендәге мәдәният йортында узган әлеге мәртәбәле чарада Актаныш муниципаль районы Башкарма комитеты башлыгы вазифаларын башкаручы Энгель Фәттахов, мәктәп директорлары, фән укытучылары, укучылар катнашты. Безнең мәктәпнең призерлары: Фәррахова Кәдрия - 4 класс (татар теле. Укытучысы: А.Ф.Хисамова), Камалов Булат - 6 класс (татар теле. Укытучысы: А.И.Шакирова), Госманова Гөлшат - 7 класс (татар теле, татар әдәбияты. Укытучысы: З.Н.Әхмәтова), Гилванов Айдар - 7 класс (математика. Укытучысы: Д.М.Шәвәлиев)