12 нче марттан 17 нче март аралыгында мәктәптә тарих атналыгы узды.Тарих укытучысы Исламова Г.М. атналыкта ачык дәрес күрсәтте, укучылар проект эше якладылар.Атна азагында нәтиҗәләр чыгарылды.

Галлямова Залия, ученица 8 класса, стала призером районного этапа Всероссийского конкурса юных чтецов "Живая классика". Учитель Ч.И.Ахметова.

7 нче март көнне мәктәптә, "8 март" бәйрәме уздырылды.Кызлар ике командага бүленеп көч сынаштылар.Кадерле әниләребезгә укучылар үзләренең матур җырларын, теләкләрен җиткерделәр, кулдан эшләнгән бүләкләрен бирделәр.Бәйрәм кичәсен кызыклы итеп тарих укытучысы Г.М.Исламова, педагог-оештыручы Л.Н.Шайдуллина уздырды.

Укучылар, бәйрәм уңаеннан, әниләренә төрледән-төрле матур котлау открыткалары ясадылар.

         Җиһанга Яз килде. Яз ул – җанында сөю гөлләре үстергән, назлы, иркә сүзләр йөрткән асыл хатын-кызлар бәйрәменнән башлана.

        Хатын–кыз - ул газиз әнкәй дә, апа-сеңел, якын дус та, бик кадерле гүзәл зат та... Сабыр һәм батыр йөрәкле, милләте, дине, газиз баласы өчен җанын да кызганмаучы изге зат ул – хатын-кыз.

        Хөрмәтле, хатын-кызлар - әниләр, укытучы апалар, ветеран укытучылар, укучы кызларыбыз! Сезне 8 Март – халыкара хатын- кызлар көне белән тәбрик итәбез. Эшегездә, тормышыгызда, укуыгызда зур уңышлар, ак бәхетләр телибез.

       Бәйрәм уңаеннан, технология укытучысы Наилә Хусаин кызы төрледән-төрле матур, зәвыклы букетлар эшләде.

1 марттан 10 нчы мартка кадәр "Кулинарные секреты" акциясе игълан ителде.Безнең мәктәп укучылары да, бу акциядә актив катнаштылар.6 нчы класс укучысы Шайдуллин Гадел, 4 класс укучысы Фаррахова Кадрия әниләре белән бергәләп пешергән ризыкларын тәкъдим иттеләр.

Мәктәптә 26 нчы февральдән 3 нче мартка кадәр рәсем атналыгы дип игълан ителде.Атналык кысаларында рәсем укытучысы Л.Н.Шәйдуллина "Картина, нарисованная с помощью ватных палочек" исеме астында мастер-класс күрсәтте.

Хәрби-патриотик айлык кысаларында, мәктәптә "Онытылмаслар мәңгегә!" исеме астында кичә узды.Кичәне педагог-оештыручы Л.Н.Шәйдуллина, ОБЖ укытучысы Р.Ф.Җәмилов алып бардылар.

26 нчы февраль көнне мәктәптә халыкны эш белән тәэмин итү үзәгеннән әйдәп баручы инспектор Латипова Ләйсән Рафис кызы белән очрашу булды.8-9 класс укучылары белән әңгәмәләр үткәрде, анкета алды.Бу очрашу укучылар өчен файдалы, эшлекле аралашу, фикер алышу булды.

24 нче февраль көнне мәктәптә "Аҗаган" хәрби-спорт уены уздырылды.Егетләребез ике командага бүленеп төрле спорт ярышларында үз көчләрен сынадылар.Кызларыбыз егетләргә көч биреп тордылар."Моряклар" һәм "Патриотлар" командалары, икесе дә  бик яхшы әзерләнгәннәр иде.Командаларга дипломнар, истәлек бүләкләре тапшырылды.Уенны физкультура укытучысы Ринат Флүн улы Җәмилов оештырды.