Бүген лагерьның соңгы көне. Шул уңайдан "Күңелле мизгелләр" дигән презентация карадык.Аннан соң саубуллашу  дискотекасы  оештырдык.

 Бүген "Олимпия уеннары" көне. Иң беренче балалар Олимпия уеннары тарихы белән таныштылар. Аннары төрле спорт уеннары уйнадылар. Көн бик күңелле үтте.

      Бүген көнебез иртәнге линейкадан башланып китте. Шуннан соң 22 нче июнь –хәтер һәм матәм көне турында әңгәмә уздырылды. “Файдалымы соң икмәк?”  дигән темага сәламәтлек минуты булды. Иң мөһим чарабыз булып һәйкәл янына экскурсиягә бару булды. Анда безне ветераннар советы председателе Ярмухаметов Рахимҗан Вәлимхамәт улы каршы алды. Ул балаларны үзенең бала – чагы, сугыш еллары турындагы истәлекләре белән таныштырды. Бу еллардагы авыр тормыш турында сөйләде. Шуннан соң без яу кырында ятып калганнарны бер минутлык тынлык белән искә алдык һәм чәчәкләр куйдык.

    Бүген лагерьның 18 нче көне. Эш “Янгын нидән килеп чыга” темасына әңгәмә  белән башланып китте. Янгын  чаңы сигналлары , янгынны сүндерү  чаралары  белән таныштылар.”Шырпыда кунакта” конкурсы  һәм “Шырпы -  балалар уенчыгы түгел” исеме астында спорт ярышлары уздырылды. Соңыннан   янгыннан эвакуацияләнү  чарасы оештырылды.

    Лагерьда эш көне “Модалы хөкем” исеме астында узды. Иң элек, “Мода тарихы” исемле презентация карап , моданың килеп чыгышын өйрәндек. Аннан соң балалар үзләре мода күрсәттеләр. Киемнәр  һәркемнең күңеленә хуш килде. Алар арасында бал күлмәкләре дә, байкер киемнәре дә, татар халкының милли киемнәре дә, балалар уйлап тапкан яңа модалылары да бар иде. Хәтта яңа елда киелә торган маскаларны модага кертеп җибәрү теләген белдерүчеләр дә булды. Шушы көннән башлап, “Салават күпере” лагере балалары 2017 нче елның икенче яртыеллыгына һәр сезон өчен яраклы булган “Маска астында “ исемле мода тәкъдим итә. 20 нче июньнән башлап, чыршы бәйрәмендә генә киелә торган маскаларның күңелегезгә хуш килгәннәрен теләсә кая барганда кия аласыз. Модадан калышмагыз!

      Лагерьда бүгенге эш көненең  темасы  “Шарлар көне”. Көнебез иртәнге линейка һәм зарядкадан башланды. Аннан соң “Кояшта пешү” темасына сәламәтлек минуты үтте. Беренче ярдәм күрсәтү турында сөйләнде. Мультфильм “Винни пух”күрсәтелде.  Шуннан соң шарлар белән эстафета, күңелле  уеннар, конкурслар   булды. Гадәти шарлар искиткеч фигураларга әверелделәр.

     Лагерьда бүгенге эш көненең  темасы  “Эш остадан курка”. Көнебез иртәнге линейка һәм зарядкадан башланды. Аннан соң каникулда “Синең көндәлек режимың” темасына сәламәтлек минуты үтте. Шуннан соң авыл мәдәният йортының чаралар оештыручысы белән очраштык. Ул үзенең  һөнәре белән таныштырды һәм гаилә көненә багышлангән “Әти-әни, мин – без гаилә” темасына чара уздырды. Төрле уеннар уйнадыла,  гадәти ташларны  чын сәнгать  әсәренә әверелдерделәр. 

Бүген  ”Сабын куыгы һәм Нептун”көне.

Иртәбез линейка һәм гимнастикадан башланып китте.

Шуннан соң  “Колакларны ничек тәрбияләргә ” дигән сәламәтлек минуты булды. Саф һавада “Иң зур сабын куыгы” конкурсы оештырылды. Аннан соң көнебез күңелле уеннар белән дәвам итте.

Бүген  ”Диңгез төбенә сәяхәт” иттек.

Иртәбез линейка һәм гимнастикадан башланып китте.

Шуннан соң  “Төз гәүдә” дигән сәламәтлек минуты булды. “Су асты  тормышы” дигән  мултьфильм  карадык. Төркемнәр белән  раскраскалардан балык,акула,  үсемлекләр рәсемнәре кисеп алдык. Ул рәсемнәрне обойга ябыштырдык. Бик матур “Диңгез төбе” проекты килеп чыкты.

       Бүген  ”Ишегалды уеннары!” көне.

Иртәбез линейка һәм гимнастикадан башланып китте.

Шуннан соң  “Микроблар турында әкият” дигән сәламәтлек минуты булды. Өстәл уеннары: шашка шахмат, домино уйнадык.

Ә аннан соң көнебезне  ишегалды уеннары белән дәвам иттек:үрдәк атыш, йөзек салыш, буяу-буяу, самавыр- самавыр кебек уеннар. Көн бик күңелле узды.