Сармашбаш авыл мәдәният йорты хезмәткәрләре һәм мәктәп коллективы Җиңүнең 72 еллыгы уңаеннан мәдәният йортында авыл халкы өчен концерт-тамаша күрсәттеләр. Анда авыр сугыш чоры, тылдагы фидакәрь хезмәт батырлыклары күрсәтелде.

Мәдәният хезмәткәрләре һәм мәктәп коллективы  Бөек Җиңүнең 72 еллыгына багышланган бәйрәм тамашасы әзерләде. Анда укучылар, ата-аналар, авыл кешеләре катнашты. Концерт - тамашадан соң һәйкәлгә "Үлемсез полк" белән берлектә венок салу булды.

"Чулпан" балалар бакчасына йөрүчеләр тыл ветераннарын Бөек Җиңү бәйрәме белән котладылар. Балалар әби- бабайларның өйләренә барып концерт куйдылар. 

"Космос" яшьләр үзәгеннән  "41 елның көзе"  дигән кино белән килделәр. Ул бик тәрбияви. Анда дуслыкка  һәм патриотик   тәрбиягә басым ясала. Кино укучыларга бик охшады.

Бөек Җиңүнең 72 еллыгы уңаеннан тыл ветераннарына бүләкләр тапшырылды.

Татар теле атналыгын ябу уңаеннан татар теле укытучылары "Йомшак буын" бәйгесе уздырдылар. Анда 8-8 сыйныф укучылары катнашты. Аларга татар теленнән һәм татар әдәбиятыннан сораулар бирелде. Иң күп сорауга җавап бииреп Марданова Д. җиңүче булды. Афарин! 

Агач утырту көне уңаеннан һәйкәл янындагы корыган агачларны яңалары белән алмаштырдылар.

Шимбә өмәсендә мәктәп яны чүп - чардан чистартылды, агачлар агартылды.

Янгын сүндерү батырларын искә алу, янгынны сүндерүдә куллану элементларын кабатлау дәресе уздырылды. ОБЖ укытучысы янгыннан саклану чаралары, эвакуация тәртибе белән таныштырды.

 Габдулла Тукай көне уңаеннан укучылар аның әсәрләрен сәхнәләштерделәр, шигырьләрен укыдылар.   "Чулпан" балалар бакчасында да матур итеп шигырьләр укыдылар.