Сарсаз-Баграж мәктәбе укучылары да "Инвалидлар декадасын"нан читтә калмадылар. Классларда әңгәмәләр, класс сәгатьләре үтте. 8-9 сыйныф укучылары, сыйныф җитәкчеләре Чернова И.Г. белән инвалид Минеева Прасковья әби янына барып, хәлләрен белештеләр, эшләрендә ярдәм иттеләр. Прасковья әбигә шушы көннәрдә 91 яшь тулган. Ул үзенең тормышы, кайда эшләве турында балаларга сөйләде. "Тырышып укыгыз, әти-әниләрегезгә игелекле балалар булып үсегез" - дип укучыларга теләкләрен әйтте. Укучылар өчен бик яхшы тәрбия сәгате булды.