2015нче елның 10нчы декабре көнне  МКУ “Татарстан Республикасы Зәй муниципаль Башкарма комитетының мәгариф идарәсе” планы буенча шәһәребезнең 3 нче урта гомуми белем мәктәбендә татар теле һәм әдәбияты укытучыларының  “Татар теле һәм әдәбияты дәресләрендә укучыларның интеллектуаль эшчәнлекләрен формалаштыру һәм үстерү” темасы астында районкүләм семинар-практикумы булып узды.

Семинарда   район татар теле укытучыларына   Хәйретдинова Ф.С., Сабирова Ф.Х.  тарафыннан ачык дәресләр күрсәтелде. Милли мәсьәләләр буенча директор урынбасары Ягудина К.Г. 3 нче урта  гомуми белем мәктәбендә милли белем һәм тәрбия бирүнең торышы турында чыгыш ясады. Татар теле укытучысы Халиуллина Х.Ә.  укучыларны бердәм республика тестларына әзерләү турында сөйләде һәм “Татар теленең кыен очраклары” темасына мастер-класс күрсәтте.

Зәй муниципаль районының мәгълүмати-методик үзәге методисты Хәбибуллина Г. Җ һәм укытучылар семинар -практикумга уңай бәя бирделәр.