9 сентябрь көнне, шәһәребезнең Татар гимназиясендә, балалар бакчасында татар телен өйрәтүче тәрбиячеләр һәм татар теле укытучылары арасында очрашу булды. Әлеге очрашуның максаты, укытучыларны балалар бакчасында татар теленә өйрәтүнең үзенчәлекләре, методикасы белән таныштыру, шулай ук үзара бергәләшеп эшләү өчен эш планы төзү иде. Укытучылар алдында балалар бакчалары буенча методик берләшмә җитәкчесе Зоя Иосифовна  чыгыш ясады. Ул балалар бакчаларындагы төрле яшьтәге балалар өчен чыгарылган дәреслекләр, аудиоязмалар, күрсәтмә материаллар, УМК белән таныштырды. Балалар бакчасын тәмамлап мәктәпкә барганда, балаларның белем дәрәҗәсе нинди булырга тиешлеген аңлатты. Татар теле укытучылары өчен бу мәгълүматлар кызыклы да, файдалы да. Чөнки, күренекле мәгърифәтче Р. Фәхреддин әйткәнчә, “Эш дәвамлы булса гына, нәтиҗәсе була”. Октябрь – ноябрь айларында балалар бакчаларында укытучылар өчен ачык чаралар узачак. Шулай итеп, укытучылар киләчәк укучылары белән алдан ук танышып, бергәләп эшләү мөмкинлеге туа.