Яшьләр һәм балалар өчен оештырылган  Регионара Форум Актанышта “Агыйдел” лагерында булып узды. Татарстаннан һәм Россия регионнарыннан “Сәләт” 200 дән артык баланы үзенә җыйды.7 көнлек ял программасында безнең Зәй районыннан да  республикакүләм иҗади һәм спорт бәйгеләрендә призлы урыннар яулаган мәктәп укучылары  катнашты. Смена дәвамында танылган укытучылар, фән һәм мәдәният эшлеклеләре балаларны халкыбыз тарихы, мәдәнияте һәм әдәбияты белән таныштырдылар. Ял итүнең төп максаты – сәләтле балаларга һәм үсмерләргә купкырлы шәхес булып үсүгә ярдәм күрсәтү.