2016-2017 нче уку елында  Зәй районы мәктәпләренә барлыгы 592 бала беренче сыйныфка укырга килде.Шуларның 468е Зәй шәһәре мәктәпләрендә укый. Районыбызда  татар теле һәм әдәбияты рус телендә гомуми белем бирү мәктәпләренең татар төркемнәрендә һәм рус төркемнәрендә укытуның үрнәк программалары, Федераль дәүләт белем бирү стандартлары таләпләре буенча төзелгән укыту –методик комплектлар нигезендә укытыла. 1 нче сыйныфка килгән укучыларны татар теле  өйрәнү өчен төркемнәргә бүлү – ул телне уңышлы өйрәнүдәге беренче баскыч булып тора.Татар телен өйрәнү мәктәпкәчә белем учреждениеләрендә башланып китә. Шулай ук баланың туган телен белүенә гаиләдәге телләр өйрәнүгә булган мөнәсәбәт тә йогынты ясый.Укучыларны төркемнәргә бүлгәндә боларның барысы да исәпкә алына, әлбәттә. Быел мәктәп бусагасын атлап кергән 1 нче сыйныф укучыларының 130  татар төркемендә, 338 укучы рус төркемендә татар телен өйрәнүне дәвам итәчәк.