15 нче февраль көнне татар халкы  Советлар Союзы Герое,  Ленин премиясе лауреаты Муса  Җәлилнең  туган көнен билгеләп үтә.  Муса Җәлилнең бөтен иҗаты – батырлык үрнәге. Дөнья әдәбияты тарихында иҗатлары белән исемнәрен мәңгелек данга күмгән күп шагыйрьләр бар. Ләкин, шагыйрь һәм герой Муса Җәлил кебек, әсәрләре белән генә түгел, бәлки үлеме белән дә исемен мәңгеләштергән шагыйрьләр бик аз. Әлеге  уңайдан  шәһәребезнең музыка мәктәбендә мәдәният бүлеге һәм Татар гимназиясе тарафыннан оештырылган герой шагыйрь Муса  Җәлилгә багышланган районкүләм чара үтте. Бәйрәмдә районыбызның шәһәр һәм авыл мәктәпләре актив катнашты. Чараны алып баручылар  һәм катнашучылар шагыйрьнең тормышы һәм иҗаты турында сөйләде, татар һәм рус телләрендә шигырьләре укылды, әсәрләре сәхнәләштерелде, шигырьләренә язылган көйләр яңгырады.

Әйткәнеңчә, синең җырлар, Муса,

Ил кырында чәчәк аттылыр.

Үз илендә алар көч һәм ялкын,

                                                   Мәңге  сүнмәс яшәү таптылар.