Лагерьда соңгы көн 

ГТО нормаларын уңышлы тапшырыйк!

Күмәк уеннарны балалар яраталар.  "Исемең ничек?" уенын алар аеруча кызык итеп уйныйлар.

Балаларның  төрле могҗиза тудырырга фантазияләре җитәрлек. Судан бушаган шешәләрдән алар төрле җәнлекләр, савытлар һәм чәчәкләр ясадылар.

1941 нче елның 22 нче июнь иртәсе. Явыз Гитлер безнең илебезгә ут ачкан көн таңы. Илебез халкы 1418 көнгә сузылган дәһшәтле Бөек Ватан сугышына күтәрелде. Ул вакытлардан соң бик күп еллар узган.  Бу турыда без тарих битләреннән генә беләбез. Әлеге авыр, кайгылы көннәр кабатланмасын иде, дип телибез. Үз гомерләрен аямаган батыр солдатларыбыз алдында без баш иябез.  Шул уңайдан мәктәп каршындагы һәйкәл янына бүген яран гөлләре  утыртылды.

Аппликация ясау - балаларның яраткан шөгыле

Балаларның җәйге яллары бик күңелле үтә, Оештыручылар,  истә калырлык булсын дип, аеруча тырышып эшлиләр. Алар кызыклы да, файдалы да уеннар барышында балаларны креатив фикер йөртергә, бер-берләре белән дөрес сөйләшергә, аралашырга өйрәтәләр.  “Үз исемеңне рәсемгә төшер”, “Үзебезне ясыйбыз”, “Гади булмаган табышмакка җавап уйлап тап”, "Әкият геройлары", "Детектив" дигән бәйгеләр барлык балалар өчен дә бик кызыклы һәм файдалы булды.

Лагерьда вакыт, төрле уеннар белән үрелеп, сизелмичә үтә. Уеннар белән бергә төрле кул эшләре дә яратып башкарыла. Бүген балалар пластилин ярдәмендә рәсем ясадылар.  Нәниләрнең оста куллары астында пластилин да тылсымлыга әверелә икән.  Алар бергәләп матур итеп диңгез тормышын сурәтләделәр. 

Туган ягым - яшел бишек, дигән бөек язучыбыз Гомәр ага Бәширов.  Бүген авылыбызның табигатенә хозурландык: елга буена төштек, тау итәкләрендә һәм алма бакчасында йөрдек.