Ноябрьнең соңгы якшәмбесендә Россиядә иң игелекле һәм күңелгә якын бәйрәмнәрнең берсе - ,, Әниләр көне " билгеләп үтелә. Әни, әнием, әнкәй! Иң кадерле, иң якын кешене атап йөртүче бу тылсымлы сүз никадәр җылылык бирә. Ул безгэ наз, кайгырту һәм ярату белән җылыта торган тормыш бүләк итә. Әниләр көне уңаеннан безнең ,, Якты коңгыз" балалар бакчасында яраткан әниләребезгә багышланган чаралар уза. Уртанчылар төркеме балалар, педагоглар һәм әниләр белән берлектә ,, Әнием - син якты кояшым" дигән кичә үткәрделәр. Балалар кадерле әниләрен бәйрәм белән котладылар. Кичә матур җырлар, биюләр, татар халык уеннары белән үрелеп барды. Әниләребез дә балалар чыгышын карап кына утырмадылар, ә уеннарда актив катнаштылар. Балалар әниләренә үз куллары белән ясалган бүләкләр тапшырдылар. Ә соңыннан әниләре пешереп килгән милли ашамлыклар белән чәй эчтеләр. Әлеге чара балаларда шатлык һәм әниләргә карата ихтирам, хөрмәт хисләре уятты.