Апрель ае – бөек шагыйребез  Габдулла Тукайның туган ае, шигърият ае.  26 май көнне Кояшкай балалар бакчасы Г. Тукайның иҗат кичәсен билгеләп үтте. Кичә барышында шагыйрьнең тормыш юлы искә төшерелде, “Кызыклы шәкерт”, “Шүрәле”, “Су Анасы”, “Кәҗә белән сарык” әсәрләре сәхнәләштерелде, Тукайның балалар өчен язган шигырьләре сөйләнде, татар халкының җырлы-биюле уеннары уйналды.

    Г. Тукай әсәрләре ялганламаска, җәнлекләрне, табигатьне яратырга, гадел, мәрхәмәтле булырга өйрәтә. Ә сабыйларыбызның аның әсәрләрен белүләре, татарча матур итеп сөйләүләре горурлык хисе уята. Безнең киләчәк буын саф, чиста бөек татар телендә горурланып сөйләшсен иде. Без тәрбиячеләрнең төп бурычы, әнә шул теләкләрне чынга ашыру.