“Нәүрүз” “Яңа көн” дигәнне аңлата. Язны каршы алу бәйрәме көн белән төн тигезләшкән көнне 21 нче мартта үткәрелә. “Кояшкай” балалар бакчасында Нәүрүз бәйрәмен үткәрү матур традициягә әверелде. Татар теле тәрбиячесе Миннебаева А.Ф. тарафыннан оештырылган бу бәйрәм, быел да бик күңелле узды. Балалар татар халкының яратып уйный торган “Түбәтәй”, “Кашыкка йомырка салып йөгерү”, “Түгәрәк” уеннарын уйнадылар. Нәүрүз такмаклары әйттеләр, җыр-биюгә дә осталыкларын күрсәттеләр. Бәйрәмгә кунакка килгән Кыш бабай үзенең урынын Нәүрүзбикәгә тапшырды. Нәүрүзбикә балаларга һәм бакча хезмәткәрләренә иминлек, муллык, тынычлык теләде. Язны “Кояшкай” балалары әнә шулай бик күңелле итеп каршы алдылар.