Уеннар бала тәрбияләүдә мөһим урын алып тора.  Безнең төп бурычларыбызның берсе - онытыла барган әби – бабайлар уйнаган уеннарны хәзерге буынга тапшыру.  Шул максаттан без балалар белән  “Яулык бәйләү”, “Ал кирәк, гөл кирәк”, “Буяу сатыш” кебек уеннарны бик теләп уйныйбыз. Бу уеннар осталык, җитезлек, зирәклекне үстерә, игътибарлык тәрбияли. Халык педагогикасына нигезләнгән тәрбия, балага тормышта үз урынын табарга ярдәм итә.