Юлда үз иминлеген һәм башкаларның иминлеген кайгырту, үз -үзеңне  дөрес тоту, юл билгеләрен аера белү, юлда хәвефсезлек кагыйдәләрен өйрәнү балалар бакчасыннан башлана. Зурлар төркеме тәрбиячеләре шушы максатларга ирешү өчен зур эшләр алып баралар, төрледән - төрле әңгәмәләр, кызыклы чаралар үткәрәләр. Алган белемнәрне уеннар аша ныгыталар. Төрле проблемалы  ситуацияләр чишәләр. Шәһәребез урамнары буйлап сәяхәт кылалар. Әти - әниләр белән аңлату эшләре алып баралар.Үсеп килүче буын иминлегенә битараф булмаска өндиләр.