“Кояшкай” балалар бакчасы “Р.Ш. Фәрдиев исемендәге татар гимназиясе” белән тыгыз элемтәдә эшли. 25 нче апрель көнне гимназиянең 1нче “А” сыйныфы укучылары “Кояшкай”га  “Карга боткасы” бәйрәменә кунакка килделәр. Бәйрәмдә балалар татар халкының җырларын җырладылар, биюләрен биеделәр, уеннарын уйнадылар. Өйдән-өйгә кереп, сый-хөрмәт җыеп, теләүләр әйттеләр. Балалар уйнаган арада, әби аларга төрле ярмалардан ботка пешерде. Бәйрәм ахырында барысы бергә җыелып ботка ашадылар. Дуслык боткасы бик тәмле булды!