Балалар бакчасында һөнәр ияләре белән таныштыру төрле алымнар кулланып алып барыла, берсеннән-берсе  кызыклы чаралар оештырыла. Янгын сүндерүчеләр һөнәре белән таныштыру өлкәннәр төркемендә кунак каршы алу белән башланды.  Төркемгә формадан янгын сүндерү хезмәткәре килеп керү балаларда зур кызыксыну уятты.Аның белән әңгәмә сизелмичә дә үтеп китте.Балалар берсен -берсе бүлдерә - бүлдерә үзләрен кызыксындырган сораулар яудырдылар. Төркемдәге янгын сүндерү машиналарыннан оештырылган күргәзмәне күрсәттеләр. Соңыннан истәлеккә фотога төштеләр.