Балалар куркынычсызлыгын тәэмин итү бакча хезмәткәрләренең төп бурычы булып тора. Шул максаттан чыгып  балалар бакчасында полиция, янгын куркынычсызлыгы, медицина хезмәткәрләре белән очрашу һәрдаим оештырыла. 20 нче сентябрьдә уртанчылар төркеменең әти – әниләр җыелышына шәфкать туташы Марина Александровна Кольцова чакырылды.Ул үз чыгышында  культура – гигиена кагыйдәләрен үтәү нечкәлекләрен аңлатты . Дару препаратларын, очлы – тупас предметларны ераграк алып куярга киңәш итте.Бәхетсезлек очрагына тарыганда ничек итеп беренче ярдәм күрсәтү нечкәлекләренә төшендерде. Соңыннан әти – әниләр инструктаж дәфтәренә имза  куйдылар.