Балалар бакчасында һәрвакыт төрле бәйрәм чаралары, ярыш – конкурслар үткәрелеп тора. 8 нче сентябрь көнне тәрбиячеләр Ахмадиева Г.И. белән Хабибуллина Ф.Ю. җитәкчелегендә мәктәпкә әзерлек, уртанчылар төркеме балалары  һәм әти – әниләре белән берлектә  ”Кояшкай балалар бакчасы гүзәле” конкурсы үткәрелде. Балалар үзара тапкырлыкта  көч сынаштылар, җыр – биюгә осталыкларын, иҗади сәлатләрен күрсәттеләр.Һәрбер бала оригиналь костюмын тәкъдим итеп, аны яклап чыкты. Әти – әниләр дә бик актив булды: табышмакларга җавап эзләделәр, уеннарда  теләп катнаштылар.Конкурс   җанлы һәм кызыклы узды. Балалар бакчасы мөдире Әгъзамова Л.Р. конкурска нәтиҗә ясап, балаларга төрле номинациядәге дипломнар тапшырды.