Әкиятләр - әхлакый һәм эстетик тәрбия чыганагы, хис тәрбияләү чарасы. Бала әкиятләрне тыңлап, карап, уңай һәм тискәре сыйфатларны аерырга өйрәнә, күңеле белән гаделлек, дөреслекнең җиңүен тели. Матурлыкка, изге эшләргә соклану, усаллыкка, явызлыкка нәфрәтләнү хисләре тәрбияли. Шәһәребездәге яшьләр үзәге “Космос” хезмәткәрләре, шушы максатларны тормышка ашыру йөзеннән, һәрдаим  безне үзләренә кунакка чакыра. Бүген без анда кунак булдык. Әкият иленә сәяхәт кылдык. Балалар зур кичерешләр белән бакчага әйләнеп кайттылар.