29 нчы июльдә  Зәй муниципаль районында беренче тапкыр республика күләмендә оештырылган “Печән бәйрәме” (“Сенофест”) үткәрелде. Анда республиканың төрле районнарыннан килгән командалар җитезлектә, өлгерлектә көч сынашты. Бу чарадан балалар бакчасы тәрбиячеләре Хабибуллина Ф.Ю., Юнусова Л.Ф. да читтә калмады. Шәһәр балалар бакчасы тәрбиячеләре үткәргән  күңелле җырлы – биюле, түгәрәк уеннар, эстафета ярышлары бәйрәмгә тагын да ямь өстәде. Һәр катнашкан бала призлар белән бүләкләнде. Бәйрәм ахырында балаларга туңдырма таратылды. Бу көнне кояш та көн буе үзенең нурларын сипте. Бәйрәм оешкан төстә бик күңелле узды.