“Чисталык – сәламәтлек нигезе” дигән мәкаль  һәрберебезгә таныш. Сәламәт булу өчен чисталык кагыйдәләрен һәм көндәлек режимны үтәү зарур.  Чисталык көне уңаеннан 1 нче һәм 2 нче кечкенәләр төркеме балалары өчен тәрбияче Хабибуллина Ф.Ю. “Мойдодыр дәресләре” дигән күңел ачу иртәсе үткәрде. Кунакка шапшак малай Антоша килгән иде. Балалар аны юындырдылар,чиста булу өчен ниләр эшләргә, нинди шәхси – гигиена әйберләреннән файдаланырга кирәклегенә төшендерделәр. “Серле капчык”, “Нәрсә җитми” дигән дидактик уеннар уйнадылар, ”Мойдодыр дәресләре” презентациясен карап,  дөрес юыну нечкәлекләрен өйрәнделәр.   Күңел ачу иртәсе  “Мойдодыр” әкиятеннән өзек карап тәмамланды.