Мин укытучы булачагыма алдан ук ышанган кеше. Укытучыларның  изге күңелле, ярдәмчеллегенә һәрвакыт сокланып карыйм. Минемчә, бары тик укытучылар гына шундый сыйфатка ия дип уйлый идем. Яшь чагымдагы идеаллар мине Татар дәүләт гуманитар педагогика университетына алып килде.  2007 елда кулыма диплом алып зур хыяллар белән мәктәпкә килеп кердем. Ләкин тормыш миңа  яңа сынаулар әзерләгән икән. Мин балалар бакчасына татар теле тәрбиячесе булып эшкә урнаштым.  Бакча бит ул - самимилек, киләчәкнең фундаменты. 

    Эшемне бик яратып, белем бирүдәге традицияләрне яңа технологияләр белән баетып, белем бирүнең яңа юнәлешләрен эшләргә омтылам. Күптән түгел шәһәр күләмендә  татар теленә өйрәтүче тәрбиячеләр өчен “Ел тәрбиячесе - 2017” конкурсы  үтте. Миңа да әлеге конкурста үз көчемне сынарга насыйп булды.