Икенче  кечкенәләр төркеменә Су патшасыннан качып Тортилла ташбакасы  килеп керде. Ташбака су астындагы хәлләрне тәсфилләп сөйләде, балалар кызыксынып һәм кызганып тыңладылар.  Ялгызына күңелсез икәнен белгәч,  балалар аңа иптәшкә күп итеп ташбакалар ясарга карар кылдылар.  Башта ташбаканың гәүдә төзелешен өйрәнделәр. Баш, муен, алгы һәм арткы тәпиләрен балчыктан ясадылар, ә панцер - гәүдә өлешенә каштан чикләвеген кулландылар. Балалар Тортилла - ташбаканы шатландыра алуларына һәм эшләренең уңышлы чыгуына  бик сөенделәр. Балчыктан әвәләү балаларның кул чукларын хәрәкәтләндерү өчен файдалы булса, уйлап- фикерләп эшләү акыл сәләтен үстерүдә зур роль уйный. Дус - тату, бер-береңә ярдәмләшеп яшәү күңелгә рәхәтлек бирә шул, - ди тәрбияче апалары.