20 нче январь көнне Яшел Үзән районының Мулла Иле мәктәбендә “Мин яшимен Тукай дөньясында” дип исемләнгән муниципаль шигырь сөйләүчеләр бәйгесе булды. Бәйгедә  районның төрле мәктәпләреннән килгән укучылар катнашты.

Бәйге 3 юнәлештә үткәрелде:

 - Равил Сәйфетдинов шигырьләрен сөйләү;

 - “Яшел Үзән” район газетасының “Фирүзә” әдәби кушымтасында шигырьләрен бастыручылар иҗатыгн яңгырату;

 - хәзерге көндә балалар өчен иҗат итүче шагыйрьләрнең шигырьләрен сөйләү.

Чарага Татарстанның атказанган укытучысы, шагыйрь Равил Сәйфетдинов; шагыйрь һәм прозаик Ирек Сафин, Казан Дәүләт мәдәният һәм сәнгать университетының кино һәм телевидение институтының декан урынбасары, телевидение кафедрасы доценты, педагогика фәннәре кандидаты, сәхнә теле белгече, шагыйрә Илсөяр Шигапова; Бөтендөнья татар конгрессының Яшел Үзән бүлекчәсе җитәкчесе Әлфия Мирхәйдәрова; “Безнең Мирас” журналы редколлегитясе хезмәткәре Дания Фәйзуллина; “Яшел Үзән” газетасы баш мөхәррире Илсөя Завилейская кунак итеп чакырылдылар.