7 нче февральдә Яшел Үзән шәһәренең 11 нче номерлы мәктәбе, Норлат мәктәбе укытучылары һәм укучылары Казан шәһәренең 14 мәктәбендә үткәрелгән күренекле мәгърифәтче, галим Ибраһим Хәлфин истәлегенә багышланган IX республика фәнни-эзләнү конференциясендә катнаштылар. Татар теле укытучысы Каюмова Гөлнара Ирек кызы (11 нче мәктәп)  Рөстәм Яхин иҗатына багышланган дәрес эшкәртмәсе өчен 3 урын алды, диплом белән бүләкләнде, ә Саппарова Руфия Рәфис кызы  (11 нче мәктәп)  класстан тыш чара эшкәртмәсе  өчен  сертификат белән бүләкләнде. Татар филалогиясе секциясендә Бикбов Айнур (Норлат мәктәбе) - 3 урын (укытучы Гыймадиева Д. М.), математика секциясендә  Гыйззәтуллина Рания (Норлат мәктәбе) - рәхмәт хаты (укытучы Гыйззәтуллина Р. И.), дөнья цивилизациясе контекстында милли сәнгать секциясендә Зиятдинов Даут (Норлат мәктәбе) - рәхмәт хаты (укытучы Абзалова С. С., Яһудина Р. И.), рус филалогиясе секциясендә Фәйзуллин Илназ (Норлат мәктәбе) - рәхмәт хатына (укытучысы Яһудина Р. И.) лаек булдылар. Абакумова Юлия (11 нче мәктәп) “Казан губернасында диннең торышы” дигән эзләнү эшен яклады һәм сертификат белән бүләкләнде.